البَلَد

90 : 1 Чексиз ырайым кылуучу, сурабастан берүүчү (жана) кайра-кайра ырайым кылуучу Алланын аты менен.

90 : 2 Кулак салгыла! Мен ушул шаарга касам ичемин!

90 : 3 Сен болсо, (бир күнү) ушул шаарга түшүүчүсүӊ.

90 : 4 Жана атага да, ал жараткан тукумга да (касам!)

90 : 5 Албетте, Биз адамзатты бир тынымсыз мээнет-машакатта (туруусу үчүн) жараттык.

90 : 6 Ал: «Менин үстүмөн эч ким жеӊе албайт», - деп ойлойбу?

90 : 7 Ал: «Мен сансыз мал-дүйнө сарптадым», - деп ойлойт.

90 : 8 Ал: «Мени эч ким көргөн эмес», - деп ойлойбу?

90 : 9 Биз ага эки көз тартуулабадыкпы?

90 : 10 Ошондой эле тил жана эки эринди (дагы?)

90 : 11 Жана Биз аны эки бийик жолго багыттадык.

90 : 12 Ал «Акабага» чыкпады.

90 : 13 Жана «Акаба» эмне экенин сен кайдан билесиӊ?

90 : 14 (Ал) моюнду азат кылуу.

90 : 15 Же бир жөнөкөй каатчылык күнүндө тамактандыруу.

90 : 16 Жакын тууган болгон жетимге.

90 : 17 Же топуракка булганган кембагалга.

90 : 18 Анан ал ыйман келтирген жана сабыр-канааттуу болуп туруп, бири-бирин сабыр кылууга насаат кыла турган, ошондой эле боорукер болуп туруп, бири-бирин ырайым кылууга чакыргандардан болушу керек.

90 : 19 Мына ошолор оӊ тараптагылар.

90 : 20 Жана Биздин аяттарыбызды четке каккандар – алар сол тараптын ээлери.

90 : 21 Аларга (жапырылуу үчүн) бир бекитилип коюлган от бар.