بِسۡمِ اللّٰہِ الرَّحۡمٰنِ الرَّحِیۡمِ﴿۱﴾
86 : 1 Чексиз ырайым кылуучу, сурабастан берүүчү (жана) кайра-кайра ырайым кылуучу Алланын аты менен.
وَ السَّمَآءِ وَ الطَّارِقِ ۙ﴿۲﴾
86 : 2 Асманга жана түн ичинде көрүнүүчүгө касам!
وَ مَاۤ اَدۡرٰٮکَ مَا الطَّارِقُ ۙ﴿۳﴾
86 : 3 Жана түн ичинде көрүнүүчү эмне экенин сен кайдан билесиӊ?
النَّجۡمُ الثَّاقِبُ ۙ﴿۴﴾
86 : 4 (Ал) аябай жаркыраган жылдыз.
اِنۡ کُلُّ نَفۡسٍ لَّمَّا عَلَیۡہَا حَافِظٌ ؕ﴿۵﴾
86 : 5 Үстүнөн кандайдыр бир корукчусу болбогон бир да жан жок.
فَلۡیَنۡظُرِ الۡاِنۡسَانُ مِمَّ خُلِقَ ؕ﴿۶﴾
86 : 6 Ошентип, адам баласы өзүнүн эмнеден жаратылганына бир назар салсын!
خُلِقَ مِنۡ مَّآءٍ دَافِقٍ ۙ﴿۷﴾
86 : 7 (Ал) атылуучу суудан жаратылган.
یَّخۡرُجُ مِنۡۢ بَیۡنِ الصُّلۡبِ وَ التَّرَآئِبِ ؕ﴿۸﴾
86 : 8 Ал бел жана кабыргалардын арасынан чыгат.
اِنَّہٗ عَلٰی رَجۡعِہٖ لَقَادِرٌ ؕ﴿۹﴾
86 : 9 Албетте, Ал (Алла) аны кайтарууга сөзсүз кудуреттүү.
یَوۡمَ تُبۡلَی السَّرَآئِرُ ۙ﴿۱۰﴾
86 : 10 Жашыруун сырлар айкын кылына турган күнү.
فَمَا لَہٗ مِنۡ قُوَّۃٍ وَّ لَا نَاصِرٍ ﴿ؕ۱۱﴾
86 : 11 Ал кандайдыр бир күч-кубатка да ээ болбойт, кандайдыр бир жардамчыга да.
وَ السَّمَآءِ ذَاتِ الرَّجۡعِ ﴿ۙ۱۲﴾
86 : 12 Нөшөрлөнгөн жамгырдуу асманга касам!
وَ الۡاَرۡضِ ذَاتِ الصَّدۡعِ ﴿ۙ۱۳﴾
86 : 13 Жана чөп өстүрүүчү жерге да.
اِنَّہٗ لَقَوۡلٌ فَصۡلٌ ﴿ۙ۱۴﴾
86 : 14 Албетте, ал (Куран) чын эле бир чечкиндүү Сөз.
وَّ مَا ہُوَ بِالۡہَزۡلِ ﴿ؕ۱۵﴾
86 : 15 Жана ал эч курулай Сөз эмес.
اِنَّہُمۡ یَکِیۡدُوۡنَ کَیۡدًا ﴿ۙ۱۶﴾
86 : 16 Албетте, алар кандайдыр бир айла-амал кылышат.
وَّ اَکِیۡدُ کَیۡدًا ﴿ۚۖ۱۷﴾
86 : 17 Жана Мен дагы бир чара көрөмүн.
فَمَہِّلِ الۡکٰفِرِیۡنَ اَمۡہِلۡہُمۡ رُوَیۡدًا ﴿٪۱۸﴾
86 : 18 Ошентип, каапырларга бир аз мөөнөт бер. Аларга бир аз убакытка чейин мөөнөт бер.