بِسۡمِ اللّٰہِ الرَّحۡمٰنِ الرَّحِیۡمِ﴿۱﴾
15 : 1 Чексиз ырайым кылуучу, сурабастан берүүчү (жана) кайра-кайра ырайым кылуучу Алланын аты менен.
الٓرٰ ۟ تِلۡکَ اٰیٰتُ الۡکِتٰبِ وَ قُرۡاٰنٍ مُّبِیۡنٍ ﴿۲﴾
15 : 2 Аналлааху араа: Мен – Алламын. Мен көрөмүн. Булар – Китеп жана бир ачыктан-ачык Курандын аяттары.
رُبَمَا یَوَدُّ الَّذِیۡنَ کَفَرُوۡا لَوۡ کَانُوۡا مُسۡلِمِیۡنَ ﴿۳﴾
15 : 3 Айрым учурларда каапырлык кылгандар: «Мусулман болсок кана!» - деп тилешет.
ذَرۡہُمۡ یَاۡکُلُوۡا وَ یَتَمَتَّعُوۡا وَ یُلۡہِہِمُ الۡاَمَلُ فَسَوۡفَ یَعۡلَمُوۡنَ ﴿۴﴾
15 : 4 Аларды (өз ахвалына) коё бер: жеп-ичишсин жана убактылуу пайдаланышсын, ошондой эле үмүт аларды кабарсыз кылып турсун. Анан тез арада алар билип алышат.
وَ مَاۤ اَہۡلَکۡنَا مِنۡ قَرۡیَۃٍ اِلَّا وَ لَہَا کِتَابٌ مَّعۡلُوۡمٌ ﴿۵﴾
15 : 5 Биз эч бир кыштакты ойрон кылбадык, бирок ал үчүн бир белгилүү китеп (эскертүү иретинде) бар эле.
مَا تَسۡبِقُ مِنۡ اُمَّۃٍ اَجَلَہَا وَ مَا یَسۡتَاۡخِرُوۡنَ ﴿۶﴾
15 : 6 Эч бир үммөт-жамаат өзүнүн белгиленген убактысынан алдыга да өтө албайт жана алар аркада да кала албайт.
وَ قَالُوۡا یٰۤاَیُّہَا الَّذِیۡ نُزِّلَ عَلَیۡہِ الذِّکۡرُ اِنَّکَ لَمَجۡنُوۡنٌ ؕ﴿۷﴾
15 : 7 Алар айтышты: «Эй, Зикир түшүрүлгөн киши! Албетте, сен акылсызсыӊ.
لَوۡ مَا تَاۡتِیۡنَا بِالۡمَلٰٓئِکَۃِ اِنۡ کُنۡتَ مِنَ الصّٰدِقِیۡنَ ﴿۸﴾
15 : 8 Эгер чынчылдардан болсоӊ, эмнеге периштелерди биздин алдыбызга алып келбейсиӊ?»
مَا نُنَزِّلُ الۡمَلٰٓئِکَۃَ اِلَّا بِالۡحَقِّ وَ مَا کَانُوۡۤا اِذًا مُّنۡظَرِیۡنَ ﴿۹﴾
15 : 9 Биз периштелерди бир гана акыйкат менен түшүрөбүз жана ошондо аларга мөөнөт берилбейт.
اِنَّا نَحۡنُ نَزَّلۡنَا الذِّکۡرَ وَ اِنَّا لَہٗ لَحٰفِظُوۡنَ ﴿۱۰﴾
15 : 10 Албетте, Биз гана ушул Зикирди түшүргөнбүз жана албетте, Биз гана анын сактоочусубуз.
وَ لَقَدۡ اَرۡسَلۡنَا مِنۡ قَبۡلِکَ فِیۡ شِیَعِ الۡاَوَّلِیۡنَ ﴿۱۱﴾
15 : 11 Биз сенден мурун дагы илгерки тайпаларга (пайгамбарларды) жөнөткөн элек.
وَ مَا یَاۡتِیۡہِمۡ مِّنۡ رَّسُوۡلٍ اِلَّا کَانُوۡا بِہٖ یَسۡتَہۡزِءُوۡنَ ﴿۱۲﴾
15 : 12 Алар өздөрүнө келген ар бир пайгамбарды маскара кылышаар эле.
کَذٰلِکَ نَسۡلُکُہٗ فِیۡ قُلُوۡبِ الۡمُجۡرِمِیۡنَ ﴿ۙ۱۳﴾
15 : 13 Биз күнөөкөрлөрдүн жүрөктөрүнө муну – (коркпостукту) мына ушундай киргизебиз.
لَا یُؤۡمِنُوۡنَ بِہٖ وَ قَدۡ خَلَتۡ سُنَّۃُ الۡاَوَّلِیۡنَ ﴿۱۴﴾
15 : 14 Алар бул (Пайгамбар)га ыйман келтиришпейт, ал эми мындан мурунку адамдардын акыбети өтүп кеткен го.
وَ لَوۡ فَتَحۡنَا عَلَیۡہِمۡ بَابًا مِّنَ السَّمَآءِ فَظَلُّوۡا فِیۡہِ یَعۡرُجُوۡنَ ﴿ۙ۱۵﴾
15 : 15 Эгер Биз асмандын кандайдыр бир дарбазасын аларга ачып койгонубузда, анан алар (өз көзү менен Пайгамбардын акыйкат белгисин көрүү максатында) ага көтөрүлө башташканда дагы;
لَقَالُوۡۤا اِنَّمَا سُکِّرَتۡ اَبۡصَارُنَا بَلۡ نَحۡنُ قَوۡمٌ مَّسۡحُوۡرُوۡنَ ﴿٪۱۶﴾
15 : 16 Ошондо дагы алар албетте: «Биздин көздөрүбүз (кандайдыр бир баӊгилик менен) туман кылынып коюлган, жок, биз бир сыйкырланган коомбуз», - деген болоор эле.
وَ لَقَدۡ جَعَلۡنَا فِی السَّمَآءِ بُرُوۡجًا وَّ زَیَّنّٰہَا لِلنّٰظِرِیۡنَ ﴿ۙ۱۷﴾
15 : 17 Албетте, Биз асманда жылдыздардын орундарын жараттык жана ал (асман)ды күзөтүүчүлөр үчүн кооз кылып койдук.
وَ حَفِظۡنٰہَا مِنۡ کُلِّ شَیۡطٰنٍ رَّجِیۡمٍ ﴿ۙ۱۸﴾
15 : 18 Жана аны Биз ар бир куулган шайтандан сактадык.
اِلَّا مَنِ اسۡتَرَقَ السَّمۡعَ فَاَتۡبَعَہٗ شِہَابٌ مُّبِیۡنٌ ﴿۱۹﴾
15 : 19 (Ооба), эгер кандайдыр бир киши бир кепти жашыруун угуп алса, анда оттун бир жарык шооласы анын изине түшөт.
وَ الۡاَرۡضَ مَدَدۡنٰہَا وَ اَلۡقَیۡنَا فِیۡہَا رَوَاسِیَ وَ اَنۡۢبَتۡنَا فِیۡہَا مِنۡ کُلِّ شَیۡءٍ مَّوۡزُوۡنٍ ﴿۲۰﴾
15 : 20 Биз жерди жайып койдук жана анда бекем кадалган (тоолор)ду орноттук, ошондой эле анда ар түрдүү жарашыктуу нерсе өстүрдүк.
وَ جَعَلۡنَا لَکُمۡ فِیۡہَا مَعَایِشَ وَ مَنۡ لَّسۡتُمۡ لَہٗ بِرٰزِقِیۡنَ ﴿۲۱﴾
15 : 21 Жана Биз анда силер үчүн (дагы), силер ырыскы берүүчү болбой тургандар үчүн дагы тиричилик шарттарын жараттык.
وَ اِنۡ مِّنۡ شَیۡءٍ اِلَّا عِنۡدَنَا خَزَآئِنُہٗ ۫ وَ مَا نُنَزِّلُہٗۤ اِلَّا بِقَدَرٍ مَّعۡلُوۡمٍ ﴿۲۲﴾
15 : 22 Биздин кашыбызда ар бир нерсенин казыналары бар, Биз аны белгилүү өлчөмгө ылайык гана түшүрөбүз.
وَ اَرۡسَلۡنَا الرِّیٰحَ لَوَاقِحَ فَاَنۡزَلۡنَا مِنَ السَّمَآءِ مَآءً فَاَسۡقَیۡنٰکُمُوۡہُ ۚ وَ مَاۤ اَنۡتُمۡ لَہٗ بِخٰزِنِیۡنَ ﴿۲۳﴾
15 : 23 Жана Биз (суу менен) жүктөлгөн шамалдарды жөнөттүк. Ошентип, асмандан Биз суу түшүрдүк жана силерге аны ичирдик. Силер болсо, аны топтоп алууга күчүӊөр жетпейт эле.
وَ اِنَّا لَنَحۡنُ نُحۡیٖ وَ نُمِیۡتُ وَ نَحۡنُ الۡوٰرِثُوۡنَ ﴿۲۴﴾
15 : 24 Албетте, Биз гана жашоо да, өлүм да беребиз. Биз Өзүбүз гана (бардык нерсеге) мураскер болобуз.
وَ لَقَدۡ عَلِمۡنَا الۡمُسۡتَقۡدِمِیۡنَ مِنۡکُمۡ وَ لَقَدۡ عَلِمۡنَا الۡمُسۡتَاۡخِرِیۡنَ ﴿۲۵﴾
15 : 25 Биз албетте, силердин илгерилеп кетүүчүлөрүӊөрдү да билип алганбыз жана аркада калуучуларды да билип алганбыз.
وَ اِنَّ رَبَّکَ ہُوَ یَحۡشُرُہُمۡ ؕ اِنَّہٗ حَکِیۡمٌ عَلِیۡمٌ ﴿٪۲۶﴾
15 : 26 Раббиӊ аларды албетте, чогултат. Албетте, Ал өтө акылман (жана) дайыма билүүчү.
وَ لَقَدۡ خَلَقۡنَا الۡاِنۡسَانَ مِنۡ صَلۡصَالٍ مِّنۡ حَمَاٍ مَّسۡنُوۡنٍ ﴿ۚ۲۷﴾
15 : 27 Албетте, Биз адамды ачыган ылайдан жасалган кургак, шыӊгыраган чоподон жаратканбыз.
وَ الۡجَآنَّ خَلَقۡنٰہُ مِنۡ قَبۡلُ مِنۡ نَّارِ السَّمُوۡمِ ﴿۲۸﴾
15 : 28 Жана жиндерди Биз андан мурун абдан ысык шамалдын жалынынан жараттык.
وَ اِذۡ قَالَ رَبُّکَ لِلۡمَلٰٓئِکَۃِ اِنِّیۡ خَالِقٌۢ بَشَرًا مِّنۡ صَلۡصَالٍ مِّنۡ حَمَاٍ مَّسۡنُوۡنٍ ﴿۲۹﴾
15 : 29 (Эстегин), качан Раббиӊ периштелерге айтты: «Мен ачыган ылайдан жасалган кургак, шыӊгыраган чоподон адамзатты жаратмакчымын.
فَاِذَا سَوَّیۡتُہٗ وَ نَفَخۡتُ فِیۡہِ مِنۡ رُّوۡحِیۡ فَقَعُوۡا لَہٗ سٰجِدِیۡنَ ﴿۳۰﴾
15 : 30 Анан Мен аны жакшылап жасап алганымдан кийин, ага Өз сөзүмдү үйлөгөнүмдө, ага баш ийген бойдон сажда кылгыла».
فَسَجَدَ الۡمَلٰٓئِکَۃُ کُلُّہُمۡ اَجۡمَعُوۡنَ ﴿ۙ۳۱﴾
15 : 31 Ошондо баардык периштелер сажда кылышты –
اِلَّاۤ اِبۡلِیۡسَ ؕ اَبٰۤی اَنۡ یَّکُوۡنَ مَعَ السّٰجِدِیۡنَ ﴿۳۲﴾
15 : 32 Иблистен башкасы. Ал сажда кылуучулар менен бирге болуштан баш тартты.
قَالَ یٰۤـاِبۡلِیۡسُ مَا لَکَ اَلَّا تَکُوۡنَ مَعَ السّٰجِدِیۡنَ ﴿۳۳﴾
15 : 33 (Алла) айтты: «Эй, Иблис! Сага эмне болду, сен сажда кылуучулар менен бирге болбодуӊ?»
قَالَ لَمۡ اَکُنۡ لِّاَسۡجُدَ لِبَشَرٍ خَلَقۡتَہٗ مِنۡ صَلۡصَالٍ مِّنۡ حَمَاٍ مَّسۡنُوۡنٍ ﴿۳۴﴾
15 : 34 Ал айтты: «Сен ачыган ылайдан жасалган кургак, шыӊгыраган чоподон жараткан адамзатка мен сажда кылбаймын».
قَالَ فَاخۡرُجۡ مِنۡہَا فَاِنَّکَ رَجِیۡمٌ ﴿ۙ۳۵﴾
15 : 35 (Алла) айтты: «Бул жерден чыгып кет, албетте, сен куулгансыӊ.
وَّ اِنَّ عَلَیۡکَ اللَّعۡنَۃَ اِلٰی یَوۡمِ الدِّیۡنِ ﴿۳۶﴾
15 : 36 Албетте, жаза жана сыйлык күнүнө чейин сага каргыш болот».
قَالَ رَبِّ فَاَنۡظِرۡنِیۡۤ اِلٰی یَوۡمِ یُبۡعَثُوۡنَ ﴿۳۷﴾
15 : 37 Ал айтты: «Эй, Раббим! Мага алар (адамдар) тургузула турган күнгө чейин мөөнөт бергин».
قَالَ فَاِنَّکَ مِنَ الۡمُنۡظَرِیۡنَ ﴿ۙ۳۸﴾
15 : 38 (Алла) айтты: «Албетте, сен мөөнөт берилүүчүлөрдөнсүӊ –
اِلٰی یَوۡمِ الۡوَقۡتِ الۡمَعۡلُوۡمِ ﴿۳۹﴾
15 : 39 Бир белгилүү убакыттын күнүнө чейин».
قَالَ رَبِّ بِمَاۤ اَغۡوَیۡتَنِیۡ لَاُزَیِّنَنَّ لَہُمۡ فِی الۡاَرۡضِ وَ لَاُغۡوِیَنَّہُمۡ اَجۡمَعِیۡنَ ﴿ۙ۴۰﴾
15 : 40 Ал айтты: «Эй, Раббим! Сен мени адашкан деп өкүм чыгарганыӊ үчүн, мен албетте, жерде (турууну) аларга эӊ сонун кылып көрсөтөмүн жана албетте, мен алардын баарын жолдон азгырамын –
اِلَّا عِبَادَکَ مِنۡہُمُ الۡمُخۡلَصِیۡنَ ﴿۴۱﴾
15 : 41 Алардын арасынан Сенин тандалган пенделериӊ болсо, анда башка кеп».
قَالَ ہٰذَا صِرَاطٌ عَلَیَّ مُسۡتَقِیۡمٌ ﴿۴۲﴾
15 : 42 (Алла) айтты: «Бул туура жол (көрсөтүү) – Менин милдетим.
اِنَّ عِبَادِیۡ لَیۡسَ لَکَ عَلَیۡہِمۡ سُلۡطٰنٌ اِلَّا مَنِ اتَّبَعَکَ مِنَ الۡغٰوِیۡنَ ﴿۴۳﴾
15 : 43 Албетте, Менин пенделеримдин үстүнөн сага эч кандай жеӊиш насип болбойт. Ооба, адашкандардын ичинен (өзүнөн-өзү) сени ээрчигендер болсо, анда башка кеп».
وَ اِنَّ جَہَنَّمَ لَمَوۡعِدُہُمۡ اَجۡمَعِیۡنَ ﴿۟ۙ۴۴﴾
15 : 44 Албетте, тозок алардын баарынын убада кылынган мекени.
لَہَا سَبۡعَۃُ اَبۡوَابٍ ؕ لِکُلِّ بَابٍ مِّنۡہُمۡ جُزۡءٌ مَّقۡسُوۡمٌ ﴿٪۴۵﴾
15 : 45 Анын жети дарбазасы бар. Ар бир дарбаза үчүн ал (адашкан)дардын бир белгиленген үлүшү бар.
اِنَّ الۡمُتَّقِیۡنَ فِیۡ جَنّٰتٍ وَّ عُیُوۡنٍ ﴿ؕ۴۶﴾
15 : 46 Албетте, такыбалар бактар жана булактарда (жайгашкан) болушат.
اُدۡخُلُوۡہَا بِسَلٰمٍ اٰمِنِیۡنَ ﴿۴۷﴾
15 : 47 Аларга тынчтык, бейпилдик жана сар-санаасыз киргиле.
وَ نَزَعۡنَا مَا فِیۡ صُدُوۡرِہِمۡ مِّنۡ غِلٍّ اِخۡوَانًا عَلٰی سُرُرٍ مُّتَقٰبِلِیۡنَ ﴿۴۸﴾
15 : 48 Биз алардын жүрөктөрүндөгү ар кандай кинелерди чыгарып таштайбыз. Алар бир тууган болуп, такталарда бетме-бет отурган болушат.
لَا یَمَسُّہُمۡ فِیۡہَا نَصَبٌ وَّ مَا ہُمۡ مِّنۡہَا بِمُخۡرَجِیۡنَ ﴿۴۹﴾
15 : 49 Аларга анын ичинде эч бир чарчоо болбойт жана алар эч качан алардан чыгарылышпайт.
نَبِّیٴۡ عِبَادِیۡۤ اَنِّیۡۤ اَنَا الۡغَفُوۡرُ الرَّحِیۡمُ ﴿ۙ۵۰﴾
15 : 50 Менин пенделериме айтып кой: «Албетте, Мен өтө кечирүүчү (жана) кайра-кайра ырайым кылуучумун».
وَ اَنَّ عَذَابِیۡ ہُوَ الۡعَذَابُ الۡاَلِیۡمُ ﴿۵۱﴾
15 : 51 (Жана) муну дагы (айтып кой): «Албетте, Менин азабым абдан оор азап».
وَ نَبِّئۡہُمۡ عَنۡ ضَیۡفِ اِبۡرٰہِیۡمَ ﴿ۘ۵۲﴾
15 : 52 Жана аларга Ибраахиймдин меймандары туурасында кабар бер.
اِذۡ دَخَلُوۡا عَلَیۡہِ فَقَالُوۡا سَلٰمًا ؕ قَالَ اِنَّا مِنۡکُمۡ وَجِلُوۡنَ ﴿۵۳﴾
15 : 53 Алар анын алдына келгендеринде: «Салам!» - дешти. Ал айтты: «Биз силерден коркуп жатабыз».
قَالُوۡا لَا تَوۡجَلۡ اِنَّا نُبَشِّرُکَ بِغُلٰمٍ عَلِیۡمٍ ﴿۵۴﴾
15 : 54 Алар айтышты: «Коркпо! Биз албетте, сага бир билимдүү уул туурасында куш кабар беребиз».
قَالَ اَبَشَّرۡتُمُوۡنِیۡ عَلٰۤی اَنۡ مَّسَّنِیَ الۡکِبَرُ فَبِمَ تُبَشِّرُوۡنَ ﴿۵۵﴾
15 : 55 Ал айтты: «Менин карып калганыма карабастан, силер мага куш кабар бердиӊерби? Демек, силер эмнеге таянып куш кабар берип жатасыӊар?»
قَالُوۡا بَشَّرۡنٰکَ بِالۡحَقِّ فَلَا تَکُنۡ مِّنَ الۡقٰنِطِیۡنَ ﴿۵۶﴾
15 : 56 Алар айтышты: «Биз сага акыйкат куш кабарды бердик. Ошондуктан, үмүтсүздөрдөн болбо!»
قَالَ وَ مَنۡ یَّقۡنَطُ مِنۡ رَّحۡمَۃِ رَبِّہٖۤ اِلَّا الضَّآلُّوۡنَ ﴿۵۷﴾
15 : 57 Ал айтты: «Адашкандардан бөлөк ким өз Раббисинин рахматынан үмүтсүздөнөт?»
قَالَ فَمَا خَطۡبُکُمۡ اَیُّہَا الۡمُرۡسَلُوۡنَ ﴿۵۸﴾
15 : 58 Ал айтты: «Эй, жиберилгендер! Силердин түпкү мүдөөӊөр эмне?»
قَالُوۡۤا اِنَّاۤ اُرۡسِلۡنَاۤ اِلٰی قَوۡمٍ مُّجۡرِمِیۡنَ ﴿ۙ۵۹﴾
15 : 59 Алар айтышты: «Албетте, биз бир күнөөкөр коом тарапка жөнөтүлгөнбүз –
اِلَّاۤ اٰلَ لُوۡطٍ ؕ اِنَّا لَمُنَجُّوۡہُمۡ اَجۡمَعِیۡنَ ﴿ۙ۶۰﴾
15 : 60 Лут тукумун коюп. Алардын баарын биз албетте, куткарып калабыз –
اِلَّا امۡرَاَتَہٗ قَدَّرۡنَاۤ ۙ اِنَّہَا لَمِنَ الۡغٰبِرِیۡنَ ﴿٪۶۱﴾
15 : 61 Анын аялын коюп. Биз (анын акыбетин) билип алдык. Ал албетте, аркада калуучулардан болот».
فَلَمَّا جَآءَ اٰلَ لُوۡطِ ۣالۡمُرۡسَلُوۡنَ ﴿ۙ۶۲﴾
15 : 62 Ошентип, жиберилгендер Лут тукумунун алдына келишкенде –
قَالَ اِنَّکُمۡ قَوۡمٌ مُّنۡکَرُوۡنَ ﴿۶۳﴾
15 : 63 Ал айтты: «Албетте, силер чоочун адамсыӊар».
قَالُوۡا بَلۡ جِئۡنٰکَ بِمَا کَانُوۡا فِیۡہِ یَمۡتَرُوۡنَ ﴿۶۴﴾
15 : 64 Алар жооп беришти: «Жок, биз алар шектенип жаткан (кабар)ды сага алып келдик.
وَ اَتَیۡنٰکَ بِالۡحَقِّ وَ اِنَّا لَصٰدِقُوۡنَ ﴿۶۵﴾
15 : 65 Ошондой эле биз сенин жаныӊа акыйкат менен келдик жана албетте, биз чынчылдарбыз.
فَاَسۡرِ بِاَہۡلِکَ بِقِطۡعٍ مِّنَ الَّیۡلِ وَ اتَّبِعۡ اَدۡبَارَہُمۡ وَ لَا یَلۡتَفِتۡ مِنۡکُمۡ اَحَدٌ وَّ امۡضُوۡا حَیۡثُ تُؤۡمَرُوۡنَ ﴿۶۶﴾
15 : 66 Демек, өз тукумуӊду алып, түндүн бир бөлүгүндө чыгып кет жана алардын артынан жүр. Араларыӊардан эч ким артка кайрылып карабасын жана силер (жүрүүгө) буюрулган тарапка жүрө бергиле».
وَ قَضَیۡنَاۤ اِلَیۡہِ ذٰلِکَ الۡاَمۡرَ اَنَّ دَابِرَ ہٰۤؤُلَآءِ مَقۡطُوۡعٌ مُّصۡبِحِیۡنَ ﴿۶۷﴾
15 : 67 Жана Биз ага ушул чечимди угузуп койдук: таӊ атып жатканда, алардын тамыры кырылып жиберилген болот.
وَ جَآءَ اَہۡلُ الۡمَدِیۡنَۃِ یَسۡتَبۡشِرُوۡنَ ﴿۶۸﴾
15 : 68 Шаар эли курсант болгон бойдон келди.
قَالَ اِنَّ ہٰۤؤُلَآءِ ضَیۡفِیۡ فَلَا تَفۡضَحُوۡنِ ﴿ۙ۶۹﴾
15 : 69 Ал айтты: «Булар – менин меймандарым. Ошондуктан, мени шерменде кылбагыла.
وَ اتَّقُوا اللّٰہَ وَ لَا تُخۡزُوۡنِ ﴿۷۰﴾
15 : 70 Ошондой эле Алладан корккула жана мени уят кылбагыла».
قَالُوۡۤا اَوَ لَمۡ نَنۡہَکَ عَنِ الۡعٰلَمِیۡنَ ﴿۷۱﴾
15 : 71 Алар айтышты: «Бардык ааламдар (менен алака орнотуу)дан биз сени тыюу салган эмес белек?»
قَالَ ہٰۤؤُلَآءِ بَنٰتِیۡۤ اِنۡ کُنۡتُمۡ فٰعِلِیۡنَ ﴿ؕ۷۲﴾
15 : 72 Ал айтты: «(Карагыла), мына бул менин кыздарым, (алардан уялсаӊар болбойбу), эгер бирдеме кылмакчы болсоӊор».
لَعَمۡرُکَ اِنَّہُمۡ لَفِیۡ سَکۡرَتِہِمۡ یَعۡمَہُوۡنَ ﴿۷۳﴾
15 : 73 (Алла вахий кылды): «Сенин өмүрүӊө касам! Албетте, алар өз мастыгында адашууда».
فَاَخَذَتۡہُمُ الصَّیۡحَۃُ مُشۡرِقِیۡنَ ﴿ۙ۷۴﴾
15 : 74 Анан таӊ атаары менен бир күркүрөгөн азап аларды тутуп алды.
فَجَعَلۡنَا عَالِیَہَا سَافِلَہَا وَ اَمۡطَرۡنَا عَلَیۡہِمۡ حِجَارَۃً مِّنۡ سِجِّیۡلٍ ﴿ؕ۷۵﴾
15 : 75 Ошентип, Биз ал (шаар)ды астын-үстүн кылып жибердик жана Биз алардын үстүнө чопо таштарды жаадырдык.
اِنَّ فِیۡ ذٰلِکَ لَاٰیٰتٍ لِّلۡمُتَوَسِّمِیۡنَ ﴿۷۶﴾
15 : 76 Албетте, бул (окуя)да изденүүчүлөр үчүн аят-белгилер бар.
وَ اِنَّہَا لَبِسَبِیۡلٍ مُّقِیۡمٍ ﴿۷۷﴾
15 : 77 Ал (шаар) албетте, түбөлүктүү жолдо (жайгашкан).
اِنَّ فِیۡ ذٰلِکَ لَاٰیَۃً لِّلۡمُؤۡمِنِیۡنَ ﴿ؕ۷۸﴾
15 : 78 Албетте, мында момундар үчүн бир чоӊ аят-белги бар.
وَ اِنۡ کَانَ اَصۡحٰبُ الۡاَیۡکَۃِ لَظٰلِمِیۡنَ ﴿ۙ۷۹﴾
15 : 79 Бак-дарактуу өлкө(дө жашоочулар) дагы албетте, заалим болчу.
فَانۡتَقَمۡنَا مِنۡہُمۡ ۘ وَ اِنَّہُمَا لَبِاِمَامٍ مُّبِیۡنٍ ﴿ؕ٪۸۰﴾
15 : 80 Ошондуктан, Биз алардан өч алдык. Бул эки (шаар) бир таанымал жол үстүндө (жайгашкан).
وَ لَقَدۡ کَذَّبَ اَصۡحٰبُ الۡحِجۡرِ الۡمُرۡسَلِیۡنَ ﴿ۙ۸۱﴾
15 : 81 Албетте, Хижр эли дагы пайгамбарларды жалганчыга чыгарган эле.
وَ اٰتَیۡنٰہُمۡ اٰیٰتِنَا فَکَانُوۡا عَنۡہَا مُعۡرِضِیۡنَ ﴿ۙ۸۲﴾
15 : 82 Биз аларга Өз аят-жышаандарыбызды бердик, ошондо алар андан жүз бурушту.
وَ کَانُوۡا یَنۡحِتُوۡنَ مِنَ الۡجِبَالِ بُیُوۡتًا اٰمِنِیۡنَ ﴿۸۳﴾
15 : 83 Алар тоолордо коопсуз үйлөрдү оюп жатышчу.
فَاَخَذَتۡہُمُ الصَّیۡحَۃُ مُصۡبِحِیۡنَ ﴿ۙ۸۴﴾
15 : 84 Анан аларды дагы бир күркүрөгөн азап таӊ атаары менен тутуп алды.
فَمَاۤ اَغۡنٰی عَنۡہُمۡ مَّا کَانُوۡا یَکۡسِبُوۡنَ ﴿ؕ۸۵﴾
15 : 85 Ошондо алар жасаган иштери өздөрүнө жардам бере албады.
وَ مَا خَلَقۡنَا السَّمٰوٰتِ وَ الۡاَرۡضَ وَ مَا بَیۡنَہُمَاۤ اِلَّا بِالۡحَقِّ ؕ وَ اِنَّ السَّاعَۃَ لَاٰتِیَۃٌ فَاصۡفَحِ الصَّفۡحَ الۡجَمِیۡلَ ﴿۸۶﴾
15 : 86 Биз асмандар менен жерди жана алардын арасындагы бардык нерселерди жалаӊ чындык менен жараттык. «Саат» албетте, келүүчү. Ошентип, абдан жакшы жол менен кечирип кой.
اِنَّ رَبَّکَ ہُوَ الۡخَلّٰقُ الۡعَلِیۡمُ ﴿۸۷﴾
15 : 87 Албетте, Раббиӊ гана абдан жетик Жаратуучу (жана) билим ээси.
وَ لَقَدۡ اٰتَیۡنٰکَ سَبۡعًا مِّنَ الۡمَثَانِیۡ وَ الۡقُرۡاٰنَ الۡعَظِیۡمَ ﴿۸۸﴾
15 : 88 Албетте, Биз сага кайра-кайра кайталануучу жети (аят) жана бийик Куран тартууладык.
لَا تَمُدَّنَّ عَیۡنَیۡکَ اِلٰی مَا مَتَّعۡنَا بِہٖۤ اَزۡوَاجًا مِّنۡہُمۡ وَ لَا تَحۡزَنۡ عَلَیۡہِمۡ وَ اخۡفِضۡ جَنَاحَکَ لِلۡمُؤۡمِنِیۡنَ ﴿۸۹﴾
15 : 89 Биз алардын айрым тайпаларына тартуулаган убактылуу пайдага көзүӊөрдү кадаба жана аларга кайгырба, ошондой эле момундар үчүн (мээрим) канатыӊды төмөн тут.
وَ قُلۡ اِنِّیۡۤ اَنَا النَّذِیۡرُ الۡمُبِیۡنُ ﴿ۚ۹۰﴾
15 : 90 Айт: «Албетте, мен бир ачыктан-ачык кулактандыруучумун –
کَمَاۤ اَنۡزَلۡنَا عَلَی الۡمُقۡتَسِمِیۡنَ ﴿ۙ۹۱﴾
15 : 91 Кудум Биз өз ара бөлүнүп кеткен кишилер үстүнө түшүргөн азаптай (азаптан);
الَّذِیۡنَ جَعَلُوا الۡقُرۡاٰنَ عِضِیۡنَ ﴿۹۲﴾
15 : 92 Куранды бөлүк-бөлүк кылып таштагандардын үстүнө.
فَوَ رَبِّکَ لَنَسۡـَٔلَنَّہُمۡ اَجۡمَعِیۡنَ ﴿ۙ۹۳﴾
15 : 93 Раббиӊе касам! Биз албетте, алардын баарын суракка тартабыз –
عَمَّا کَانُوۡا یَعۡمَلُوۡنَ ﴿ٙ۹۴﴾
15 : 94 Алар кылган амалдары тууралуу.
فَاصۡدَعۡ بِمَا تُؤۡمَرُ وَ اَعۡرِضۡ عَنِ الۡمُشۡرِکِیۡنَ ﴿۹۵﴾
15 : 95 Ошондуктан, сен өзүӊө буюрулган нерселерди айкындаштырып баян кыл жана мушриктерден жүз бур.
اِنَّا کَفَیۡنٰکَ الۡمُسۡتَہۡزِءِیۡنَ ﴿ۙ۹۶﴾
15 : 96 Албетте, Биз маскара кылуучуларга каршы сага жетиштүүбүз –
الَّذِیۡنَ یَجۡعَلُوۡنَ مَعَ اللّٰہِ اِلٰہًا اٰخَرَ ۚ فَسَوۡفَ یَعۡلَمُوۡنَ ﴿۹۷﴾
15 : 97 Аллага башка кудайды шерик кылып алгандарга каршы. Анан тез арада алар билип алышат.
وَ لَقَدۡ نَعۡلَمُ اَنَّکَ یَضِیۡقُ صَدۡرُکَ بِمَا یَقُوۡلُوۡنَ ﴿ۙ۹۸﴾
15 : 98 Албетте, алар кеп кылып жаткан нерселерден жүрөгүӊ сыгылып жатканын Биз билебиз.
فَسَبِّحۡ بِحَمۡدِ رَبِّکَ وَ کُنۡ مِّنَ السّٰجِدِیۡنَ ﴿ۙ۹۹﴾
15 : 99 Демек, Раббиӊе мактоо менен тасбийх айт жана сажда кылуучулардан бол!
وَ اعۡبُدۡ رَبَّکَ حَتّٰی یَاۡتِیَکَ الۡیَقِیۡنُ ﴿٪۱۰۰﴾
15 : 100 Жана сага өлүм келгенче, Раббиӊе ибадат кыл.