- وَ مَنۡ جَاہَدَ فَاِنَّمَا یُجَاہِدُ لِنَفۡسِہٖ ؕ اِنَّ اللّٰہَ لَغَنِیٌّ عَنِ الۡعٰلَمِیۡنَ ﴿۷﴾29 : 7 Ai që përpiqet, përpiqet për veten e tij. Sigurisht, Allahu është i Pavarur nga botët.Shpjegime
Ky ajet që përmend fjalën xhihad jep një përshkrim të shkurtër dhe kuptimplotë të atij që quhet muxhahid, pra ai që bën xhihad ose luftëtar i vërtetë në rrugën e Zotit. Idealet e larta dhe fisnike dhe përpjekjet e vazhdueshme për t’i zbatuar porositë e Zotit janë ato që në terminologjinë islame quhen xhihad, dhe personi që i zotëron këto ideale fisnike dhe që i përmbush ato është muxhahid në kuptimin e vërtetë të fjalës. Ky xhihad është më i madhi, është i përhershmi. Kurse xhihadi me armë që quhet më i vogli, është i kushtëzuar me rrethana të caktuara. Lexoni edhe 25:53.