Count Bismilah

التّکویر

Et-Tekvir

Rreth Sures

Surja Et-Tekvir është mekase dhe, bashkë me bismil-lahin, ka tridhjetë ajete.

Edhe një herë tjetër përmes kësaj sureje Kurani i Shenjtë parashikon ngjarje madhështore që do të ndodhnin në të ardhmen, të cilat do të ishin edhe dëshmi për ardhjen e Kiametit të madh.

Për dëshminë e parë, sjell diellin që është i mbuluar, dhe i referohet Profetit Muhammed^s.a.v.s., pasi armiqtë e dritës shpirtërore të asaj kohe do ta pengojnë dritën e tij që ajo të mos përhapet mes njerëzimit. Pra, strategjitë dhe komplotet e tyre do të jenë ato që do ta mbulojnë këtë diell. Kjo do të jetë koha kur edhe drita e sahabëve (yjet) do të zbehet. Në mungesën e diellit, yjet janë ato që i udhëzojnë njerëzit deri diku me dritën e tyre, por kjo do të jetë koha kur njerëzit do ta humbasin edhe mundësinë e udhëzimit përmes sahabëve. Kjo është koha kur malet e mëdha do të lëvizin, që do të thotë se do të lundrojnë anijet madhështore dhe do të fluturojnë avionët gjigantë, mjete të cilat janë porsi malet për shkak të madhësisë së tyre. Dhe pikërisht për shkak të mjeteve të reja të transportit të kësaj epoke, devetë do të dalin jashtë përdorimit. Në këtë kohë do të hapen në çdo vend parqe të mëdha zoologjike.

Të gjithë e dimë që në kohën e Profetit Muhammed^s.a.v.s., profecitë e mësipërme as që mund të imagjinohej sesi do të përmbusheshin. Edhe parqet zoologjike të kohës sonë dëshmojnë faktin që grumbullimi i kafshëve të egra në një vend nuk mund të realizohej pa pasur mjete gjigante të transportit siç janë anijet dhe avionët që u përmendën më sipër, gjë që njeriu i kohës së Profetit^s.a.v.s. as nuk mund ta përfytyronte dot.

Më pas, kjo sure ndoshta na tërheq vëmendjen te luftërat detare. Pra, kur anijet do të lundrojnë fuqishëm nëpër dete e oqeane. Falë këtyre zhvillimeve, njerëzit e vendeve të largëta do të takohen me njëri-tjetrin. Pra, jo vetëm që do të grumbullohen kafshët, por edhe njerëzit. Kjo do të jetë koha e ligjit në shkallë botërore, dhe sundimi i ligjit do të jetë evident në atë mënyrë që njeriu nuk do të mund t’i bëjë padrejtësi as fëmijës së tij. Në dukje ligji do ta sundojë botën, por duke mohuar ligjin e Allahut të Madhërishëm, edhe ligji i sajuar i botës nuk do të arrijë të largojë trazira e çrregullime të ndonjë vendi.

Kjo do të jetë koha kur librat do të botohen e publikohen me shumicë. Kërkuesit e sekreteve të kozmosit, në njëfarë mënyre, do ta “zhveshin” qiellin me zbulimet e tyre. Në atë kohë xhehenemi do të flakërojë. Ky xhehenem do të jetë jo vetëm xhehenemi i ndëshkimeve që do ta kaplojnë botën, por edhe xhehenemi i luftërave që do t’i shkaktojnë vetë njerëzit. Por pavarësisht nga kjo, atyre që do të zbatojnë me sinqeritet mësimet e Allahut të Madhërishëm, do t’u afrohet xheneti. Çdo njeri do të kuptojë mirë se çfarë ka dërguar përpara ai për veten e tij.

Ajetet 16 – 17 sjellin dëshminë e disa anijeve luftarake që veprojnë fshehtas dhe largohen për t’u fshehur në bazën e tyre. Kjo temë është përsëritur këtu sepse tregon që në atë kohë, idetë djallëzore do ta sulmojnë njeriun edhe në botën e tij shpirtërore, të cilat djalli dhe përfaqësuesit e tij do t’i përhapin dhe më pas fshihen. Më pas, kjo sure sjell për dëshmi natën, së cilës do t’i vijë fundi, dhe shenjat e agimit do të fillojnë të shfaqen. Përfundimisht, kjo natë e gjatë e errët, patjetër do të sjellë mëngjesin e Islamit.

81:1

بِسۡمِ اللّٰہِ الرَّحۡمٰنِ الرَّحِیۡمِ﴿۱﴾

Me emrin e Allahut, të Gjithëmëshirshmit, Mëshirëbërësit.
81:2

اِذَا الشَّمۡسُ کُوِّرَتۡ ۪ۙ﴿۲﴾

Kur dielli të mbulohet.

Shpjegime

Lexoni shpjegimin në parathënien e sures.
81:3

وَ اِذَا النُّجُوۡمُ انۡکَدَرَتۡ ۪ۙ﴿۳﴾

Dhe kur yjet të zbehen.

Shpjegime

Lexoni shpjegimin në parathënien e sures.
81:4

وَ اِذَا الۡجِبَالُ سُیِّرَتۡ ۪ۙ﴿۴﴾

Dhe kur malet të lëvizin.

Shpjegime

Lexoni shpjegimin në parathënien e sures.
81:5

وَ اِذَا الۡعِشَارُ عُطِّلَتۡ ۪ۙ﴿۵﴾

Dhe kur devetë me barrë dhjetëmuajshe të braktisen.

Shpjegime

Edhe Profeti Muhammed^s.a.v.s. duke parashikuar kohën e ardhjes së Mesihut të Premtuar, tha: “devetë do të braktisen dhe njerëzit nuk do të udhëtojnë më me to” (Muslimi, kitab “El-Iman”, bab “Nuzule Isa ibn Merjem …”, hadithi 391). Pra, askush nuk do të udhëtojë me deve, që do të thotë se do të shpikej një mjet tjetër transporti, si treni, vetura etj. Pse është përmendur deveja? Sepse pikërisht ajo ishte mjeti kryesor i arabëve për transport, me të cilin ata udhëtonin duke marrë edhe plaçkat e shtëpive të tyre të vogla. Dihet, nëse përmendet një kafshë e madhe bartëse si deveja, kafshët e tjera bartëse nënkuptohen vetë. Shkurt, profecia ishte se do të shpikeshin mjete të tilla të transportit, të cilat do t’i zëvendësojnë kafshët bartëse. A mund të ketë shenjë më të qartë se kjo! Kështu, edhe surja e Kuranit dhe hadithi i Profetit^s.a.v.s. paralajmërojnë për të njëjtën kohë, kur do të shpikeshin mjetet e tjera të transportit, të cilat do ta zëvendësonin edhe devenë, dhe pikërisht ajo do të ishte koha e Imam Mehdiut dhe e Mesihut të Premtuar.
81:6

وَ اِذَا الۡوُحُوۡشُ حُشِرَتۡ ۪ۙ﴿۶﴾

Dhe kur egërsirat të grumbullohen.

Shpjegime

Lexoni shpjegimin në parathënien e sures.
81:7

وَ اِذَا الۡبِحَارُ سُجِّرَتۡ ۪ۙ﴿۷﴾

Dhe kur detet të derdhen fort njëri mbi tjetrin.

Shpjegime

Me gërmimin e Kanalit të Suezit gjatë viteve 1859-1869, si dhe atë të Kanalit të Panamasë gjatë viteve 1903-1914, bota dëshmoi përmbushjen edhe të kësaj profecie. Lexoni edhe 55:20-21; 25:54. Folja në arabisht “suxh-xhiret” që është përmendur në këtë ajet, sipas fjalorit “Lane”, mund të përkthehet në tri variante të mëposhtme: (1) Dhe kur detet do të vlojnë (2) Dhe kur detet do të derdhen fort njëri mbi tjetrin (3) Dhe kur deteve do t’u vihet zjarr. Realisht, profecia u përmbush në të tria kuptimet e saj.
81:8

وَ اِذَا النُّفُوۡسُ زُوِّجَتۡ ۪ۙ﴿۸﴾

Dhe kur njerëzit të bashkohen.

Shpjegime

Njerëzit ose popujt do të bashkoheshin nëpërmjet lidhjeve (traktateve) të ndërsjella, siç ishte Liga e Kombeve dhe më pas Kombet e Bashkuara, dhe shumë organizata të tjera ndërkombëtare. Për më tepër, teknologjia jashtëzakonisht e avancuar në fushën e telekomunikacionit dhe rrjetet sociale në kohët e sotme, si të thuash, kanë rrëzuar çdo mur që mund të pengonte popuj të ndryshëm për të njohur njëri-tjetrin.
81:9

وَ اِذَا الۡمَوۡءٗدَۃُ سُئِلَتۡ ۪ۙ﴿۹﴾

Dhe kur (foshnja femër) e varrosur për së gjalli të pyetet,
81:10

بِاَیِّ ذَنۡۢبٍ قُتِلَتۡ ۚ﴿۱۰﴾

(se) për çfarë faji u vra ajo.

Shpjegime

Ajetet 9-10: Këto ajete parashikojnë vendosjen e shteteve, të cilat do ta theksonin zbatimin e ligjit deri në atë masë që do t’i ndëshkonin edhe prindërit që u bëjnë padrejtësi fëmijëve të tyre. Këto ajete janë përmbushur deri në atë pikë që, sot prindërit edhe sikur të ushtrojnë forcë ndaj fëmijës së tyre, shteti ua merr fëmijën nën kujdesin e vet, e jo më të flitet për vrasjen e tij. Lexoni edhe parathënien e sures.
81:11

وَ اِذَا الصُّحُفُ نُشِرَتۡ ﴿۪ۙ۱۱﴾

Dhe kur skriptet të përhapen.

Shpjegime

Ky ajet bën profeci për shpikjen e shtypit modern, pa të cilin dorëshkrimet nuk mund të publikoheshin në mënyrë aq të gjerë dhe as nuk mund të shpërndaheshin. Veç kësaj, botimi kolosal i librave gjithashtu shënon një epokë të përhapjes së dijes, shkencës dhe hulumtimit.
81:12

وَ اِذَا السَّمَآءُ کُشِطَتۡ ﴿۪ۙ۱۲﴾

Dhe kur qielli të zhvishet.

Shpjegime

Ajeti flet për zhvillimin e shkencës së astronomisë. Qielli që do të ketë rrugë, në të cilin mesazherët do të mund të fluturojnë nga një vend në një vend tjetër. Do të jetë koha e propagandës ajrore, aq gjerë saqë njeriu do të mund të fluturojë me anë të krahëve të ajrit.
81:13

وَ اِذَا الۡجَحِیۡمُ سُعِّرَتۡ ﴿۪ۙ۱۳﴾

Dhe kur xhehenemi të flakërojë.

Shpjegime

Zhvillimi material, sado masiv të jetë, nuk mund t’i sjellë asnjë dobi njeriut, nëse ai i realizon ambiciet materiale duke paguar si çmim për to pëlqimin e Zotit. Mendjemadhësia e njeriut do t’i krijojë tensione të tilla botërore, që medoemos përfundojnë në një ferr luftërash.
81:14

وَ اِذَا الۡجَنَّۃُ اُزۡلِفَتۡ ﴿۪ۙ۱۴﴾

Dhe kur xheneti të afrohet.

Shpjegime

Profeti Muhammed^s.a.v.s. tha: Në kohën e Imam Mehdiut edhe një sexhde e sinqertë do të jetë më e vlefshme sesa e gjithë bota dhe gjithçka që ka ajo. (Muslimi, kitab “El-Iman”, bab “Nuzule Isa ibn Merjem …”, hadithi 392 (155)).
81:15

عَلِمَتۡ نَفۡسٌ مَّاۤ اَحۡضَرَتۡ ﴿ؕ۱۵﴾

Njeriu do ta dijë se çfarë ka gatitur ai.
81:16

فَلَاۤ اُقۡسِمُ بِالۡخُنَّسِ ﴿ۙ۱۶﴾

Dëgjoni! Betohem për ato që tërhiqen pasi të kenë përparuar fshehtas,
81:17

الۡجَوَارِ الۡکُنَّسِ ﴿ۙ۱۷﴾

(pra) për anijet që struken (në bazën e tyre)!
81:18

وَ الَّیۡلِ اِذَا عَسۡعَسَ ﴿ۙ۱۸﴾

Dhe (betohem) për natën kur ajo mbaron!
81:19

وَ الصُّبۡحِ اِذَا تَنَفَّسَ ﴿ۙ۱۹﴾

Dhe për mëngjesin kur ai merr frymë!

Shpjegime

Me ardhjen e Reformatorit të Ditëve të Mëvonshme do të fillojë të largohet nata e rënies morale dhe e degradimit të muslimanëve, duke hapur rrugën për agimin e një të ardhmeje të madhe dhe të lavdishme për Islamin.
81:20

اِنَّہٗ لَقَوۡلُ رَسُوۡلٍ کَرِیۡمٍ ﴿ۙ۲۰﴾

Pa dyshim, kjo është fjalë e një të Dërguari të nderuar;
81:21

ذِیۡ قُوَّۃٍ عِنۡدَ ذِی الۡعَرۡشِ مَکِیۡنٍ ﴿ۙ۲۱﴾

të fuqishëm (e) me pozitë të lartë pranë Zotëruesit të Arshit;
81:22

مُّطَاعٍ ثَمَّ اَمِیۡنٍ ﴿ؕ۲۲﴾

të bindur (dhe) të besueshëm atje (pra, pranë Zotëruesit të Arshit).
81:23

وَ مَا صَاحِبُکُمۡ بِمَجۡنُوۡنٍ ﴿ۚ۲۳﴾

Shoku juaj nuk është i çmendur,
81:24

وَ لَقَدۡ رَاٰہُ بِالۡاُفُقِ الۡمُبِیۡنِ ﴿ۚ۲۴﴾

ai e pa atë në horizontin e qartë.

Shpjegime

Ajetet 23 – 24 tregojnë që Profeti Muhammed^s.a.v.s. nuk i thotë këto fjalë nga vetja, përkundrazi, ai me të vërtetë e ka parë Xhibrailin në horizontin e qartë.
81:25

وَ مَا ہُوَ عَلَی الۡغَیۡبِ بِضَنِیۡنٍ ﴿ۚ۲۵﴾

Dhe ai nuk është koprrac për (të treguar) të padukshmen.
81:26

وَ مَا ہُوَ بِقَوۡلِ شَیۡطٰنٍ رَّجِیۡمٍ ﴿ۙ۲۶﴾

Dhe as ai (pra, Kurani) nuk është fjalë e ndonjë djalli të mallkuar.
81:27

فَاَیۡنَ تَذۡہَبُوۡنَ ﴿ؕ۲۷﴾

Atëherë ku po largoheni ju?!
81:28

اِنۡ ہُوَ اِلَّا ذِکۡرٌ لِّلۡعٰلَمِیۡنَ ﴿ۙ۲۸﴾

Ai është vetëm një këshillë për (të gjitha) botët;
81:29

لِمَنۡ شَآءَ مِنۡکُمۡ اَنۡ یَّسۡتَقِیۡمَ ﴿ؕ۲۹﴾

për cilindo prej jush që dëshiron të jetë i qëndrueshëm.
81:30

وَ مَا تَشَآءُوۡنَ اِلَّاۤ اَنۡ یَّشَآءَ اللّٰہُ رَبُّ الۡعٰلَمِیۡنَ ﴿٪۳۰﴾

Dhe ju nuk mund të dëshironi dot, përveçse nëse dëshiron Allahu, Zoti i botëve.

0:00