Të gjithë Profetët e Zotit dhe evlijatë janë të pastër nga prekja e djallit. Arsyeja pse Kurani e përmendi në mënyrë të veçantë Hazret Isain ^a.s. dhe nënën e tij, është që ata u përballën me një akuzë të rëndë, me të cilën ndonjë Profet tjetër nuk u përball. Përveç kësaj, ky ajet kur lexohet bashkë me ajetin ku Zoti pohon se asnjë profet nuk ka pasur trup të pavarur ndaj ushqimit dhe as nuk qe i përjetshëm (21:9), qartazi provon se Hazret Isai ^a.s. ka ndërruar jetë. Sepse për sa kohë që ai ushqehej dikur dhe nuk ushqehet tani, do të thotë se ai nuk është më me trupin e tij tokësor. Andaj, ngritja e tij e përmendur në Kuran (4:159), është ngritje në grada, dhe jo ngritje fizike. Lexoni 21:9.