Universi i ndërtuar nga Zoti i Madhërishëm është aq mbresëlënës dhe plot mrekulli, saqë krijimet e njeriut karshi tij janë krejtësisht të papërfillshme, qofshin ndërtimet e tij më të sofistikuara, si anijet kozmike, luftanijet, nëndetëset etj.. Po kështu, krijimi i vetë njeriut gjithashtu është kaq i habitshëm, që sa më shumë ta studiojmë atë, aq më shumë shpalosen përpara nesh shembuj të jashtëzakonshëm të mjeshtërisë së Allahut.