Nuk duhet të keqkuptoni nga ky ajet duke menduar se ndonjë forcë fizike e engjëjve do ta mbartka Arshin e Allahut. Arshi nuk është diçka fizike, që të nevojitet ndonjë forcë fizike për ta mbartur atë. Në të vërtetë, Allahu i Madhërishëm mbart çdo gjë, pra çdo gjë po qëndron në këmbë me mbështetjen e Tij. Hazret Imam Mehdiu ^a.s. thotë se Arshi është pozita e shenjtë dhe ekskluzive (tenezzuh) e Allahut, një gjendje e Tij e paarritshme për krijesat. Katër cilësi të përmendura në suren El-Fatiha, Krijuesi (Rab), i Gjithëmëshirshmi (Rrahman), Mëshirëbërësi (Rrahim) dhe Sunduesi i Kohës së Gjykimit (Maliki Jeumiddin), ndryshe janë quajtur katër engjëj. “Këto katër cilësi janë ato që e mbajnë Arshin. Pra, në këtë botë ne e njohim Qenien e Tij të Fshehtë përmes këtyre katër cilësive të Tij. Kjo njohje në botën tjetër do të dyfishohet. Me një fjalë, atë ditë engjëjt arshmbartës do të jenë jo katër, por tetë.” (Hazret Mirza Ghulam Ahmed, “Çeshma-e-Marifet”, “Ruhani Khazain”, vëll. 23, f. 279). Për Arshin, lexoni 7:55.