Ajetet 8-18 përshkruajnë Miraxhin ose udhëtimin shpirtëror të Profetit ^s.a.v.s. në lartësitë qiellore, ku atij do t’i bëhej manifestim tejet i qartë i Zotit Urtiplotë. Shumë njerëz shpesh e ngatërrojnë udhëtimin e Miraxhit me udhëtimin e Israsë. Të dyja udhëtimet janë të ndryshme. Udhëtimi i Miraxhit ka ndodhur në vitin e 5-të të profetërisë, pas mërgimit të muslimanëve në Abisini (Etiopi), kurse udhëtimi i Israsë që ishte një udhëtim shpirtëror nga Meka në Jerusalem, ndodhi në vitin e 11-të ose e 12-të të profetërisë, pak para mërgimit në Medinë (Hixhreti). Për këtë arsye, të dyja udhëtimet janë përmendur në sure të ndryshme, konkretisht udhëtimi i Israsë në suren 17 që quhet Beni Israil ose Isra, kurse ai i Miraxhit në këtë sure.