Në këtë ajet, në fjalët “pas Allahut dhe ajeteve të Tij, cilën fjalë tjetër do të besojnë?!”, Kurani ka përdorur fjalën arabe “hadith”. Pra, “cilën hadith tjetër do të besojnë?!”. Fjala hadith ka kuptimin thënie, lajm, etj.. Muslimanët pikërisht këtë fjalë e përdorin edhe për thëniet e Profetit Muhammed ^s.a.v.s.. Kështu që, ky ajet ka edhe kuptimin që kur shikoni një “hadith” që kundërshton ajetet e Kuranit, nuk duhet ta besoni. Po, nëse gjendet një interpretim i tij në përputhje me fjalët e Kuranit, atëherë atë hadith duhet ta pranojmë. Përveç kësaj, këtu fjala hadith duket se vjen edhe si profeci. Pra, do të vinte një kohë për umetin e muslimanëve, kur një pjesë e tyre do ta braktisnin Kuranin e Shenjtë duke i ndjekur ato “hadithe” që janë në kundërshtim me Kuranin e Shenjtë. Lexoni edhe 25:31.