Besimtari që përmendet këtu ishte një nga të afërmit e Faraonit dhe një prej prijësve mbretërorë. Sikurse Hazret Asija, gruaja e Faraonit, edhe ai e kishte pranuar Hazret Musain, ndonëse po e fshihte besimin. Ky ajet tregon se kur Faraoni dhe paria e tij po bënin puç për të vrarë Hazret Musain ^a.s., besimtari në fjalë ua shfaqi besimin duke i këshilluar të tërhiqeshin nga planet e tyre. Dhe si argument, ai u tha: Nëse Musai është gënjeshtar, do ta pësojë pashmangshmërisht për shkak të gënjeshtrës së tij, sepse nëse ai ka gënjyer në emër të Zotit, Zoti patjetër do ta ndëshkojë atë; por nëse ai është i vërtetë, ju patjetër do të pësoni disa nga fatkeqësitë për të cilat ai ju ka paralajmëruar, derisa të shkatërroheni. Realisht, ky është një kriter universal për vërtetësinë e Profetëve të Zotit, dhe, njëherësh, një këshillë universale për popujt, të cilëve u vijnë profetët.