Ajeti parashtron një parim të artë. Nuk mund të kryesh punë të mëdha dhe nuk mund të arrish suksese të mëdha duke qenë i vetëm. Në suksesin e një njeriu kanë kontribut edhe persona të tjerë, në mënyrë të vetëdijshme ose të pavetëdijshme. Këta ndihmës janë kryesisht prindërit, gruaja, fëmijët, shokët etj.. Prandaj, kjo lutje i përfshin edhe anëtarët e familjes në shpërblimin e veprave. Gjithashtu, ky ajet na nxit për të punuar edhe për edukimin fetar dhe moral të familjes, që të gjithë anëtarët e familjes të bëhen ndihmës për njëri-tjetrin në rrugën e besimit.