Ky ajet jep një mesazh shprese, u jep optimizëm mëkatarëve dhe ua largon dëshpërimin. Kurani e dënon pesimizmin dhe dëshpërimin dhe thotë se vetëm mohuesit e Zotit mund të dëshpërohen (12:88). Kurani vazhdimisht ua jep njerëzve mesazhin e mëshirës dhe të faljes prej Zotit (6:55; 7:157; 12:88; 15:57; 18:59). Një kuptim tjetër i këtij ajeti është që Zoti e urdhëron Profetin Muhammed ^s.a.v.s. që të njoftojë: “O robërit e mi!” dhe nëse përemri i referohet Profetit Muhammed ^s.a.v.s., fjala robër ka kuptimin e shërbëtorëve. Dhe domethënia e ajetit është që nëse bëhesh ndjekës dhe shërbëtor i sinqertë i Profetit Muhammed ^s.a.v.s., Zoti do të të falë ty të gjitha mëkatet. Kjo përmendet me temën e dashurisë në 3:32.