Mos sajoni diçka tjetër përballë Zotit. Të sajosh a të besosh diçka tjetër përballë Zotit quhet shirk. Dhe shirku është padrejtësi shumë e madhe. Shirku ose idhujtaria ka tri lloje. E para është idhujtaria e zakonshme, kur njerëzit adhurojnë idhuj, gur, pemë etj.. Por ky është lloji më i trashë i idhujtarisë. Lloji i dytë është të besosh tej mase te mjetet, duke menduar, për shembull – po të mos ishte ajo gjë e caktuar, do të shkatërrohesha. Edhe ky është shirk. Lloji i tretë i shirkut është të vlerësosh veten si diçka përballë fuqive të Zotit të Madhërishëm. Në shirkun e trashë në këtë kohë shkence dhe teknologjie, pakkush përfshihet, por pikërisht në këtë kohë të zhvillimit material, njerëzit janë të zhytur në shirkun e mjeteve, pra, që besojnë tej mase vetëm te mjetet.