Një njeri si Profeti Muhammed ^s.a.v.s., që nuk dinte as të lexonte e as të shkruante, dhe që ishte lindur në një vend dhe në një popull, që ishin të shkëputur nga çdo kontakt me qytetërimet dhe perandoritë e kohës, nuk mund të imagjinosh që ai të kishte ndonjë njohuri për Librat e mëparshëm të shpallur. Prandaj, është një mrekulli shumë e madhe kur ai i paraqet botës Kuranin e Shenjtë, Librin përfundimtar të shpallur, i cili jo vetëm që përmban gjithçka që ka vlerë të përhershme në Librat e mëparshëm, por është gjithashtu një përmbledhje e të gjitha mësimeve universale që plotësojnë nevojat morale dhe shpirtërore të njerëzimit për të gjitha kohërat. Kjo cilësi e Kuranit dhe zbritja e tij mbi Profetin Muhammed ^s.a.v.s. në këto rrethana, përbëjnë një provë të pakontestueshme se Kurani është një Libër i shpallur dhe se Profeti Muhammed ^s.a.v.s. është një Mësues prej Zotit.