- یٰۤاَیُّہَا النَّاسُ اِنۡ کُنۡتُمۡ فِیۡ رَیۡبٍ مِّنَ الۡبَعۡثِ فَاِنَّا خَلَقۡنٰکُمۡ مِّنۡ تُرَابٍ ثُمَّ مِنۡ نُّطۡفَۃٍ ثُمَّ مِنۡ عَلَقَۃٍ ثُمَّ مِنۡ مُّضۡغَۃٍ مُّخَلَّقَۃٍ وَّ غَیۡرِ مُخَلَّقَۃٍ لِّنُبَیِّنَ لَکُمۡ ؕ وَ نُقِرُّ فِی الۡاَرۡحَامِ مَا نَشَآءُ اِلٰۤی اَجَلٍ مُّسَمًّی ثُمَّ نُخۡرِجُکُمۡ طِفۡلًا ثُمَّ لِتَبۡلُغُوۡۤا اَشُدَّکُمۡ ۚ وَ مِنۡکُمۡ مَّنۡ یُّتَوَفّٰی وَ مِنۡکُمۡ مَّنۡ یُّرَدُّ اِلٰۤی اَرۡذَلِ الۡعُمُرِ لِکَیۡلَا یَعۡلَمَ مِنۡۢ بَعۡدِ عِلۡمٍ شَیۡئًا ؕ وَ تَرَی الۡاَرۡضَ ہَامِدَۃً فَاِذَاۤ اَنۡزَلۡنَا عَلَیۡہَا الۡمَآءَ اہۡتَزَّتۡ وَ رَبَتۡ وَ اَنۡۢبَتَتۡ مِنۡ کُلِّ زَوۡجٍۭ بَہِیۡجٍ ﴿۶﴾22 : 6 O njerëz! Nëse jeni në mëdyshje për ringjalljen, (ta dini se) Ne ju krijuam prej dheu, pastaj prej sperme, pastaj prej ngjizjeje gjaku, pastaj prej copëze mishi, të formuar pjesërisht dhe jo të formuar pjesërisht, që t’ju tregojmë qartë (sekretet e krijimit). Ne bëjmë të qëndrojë në mitrat çfarë të duam, deri në një kohë të caktuar, pastaj ju nxjerrim në formë fëmije, që pastaj ju të arrini moshën tuaj të pjekurisë. Dhe prej jush ka që i vjen vdekja dhe po prej jush ka që kthehet në moshën më të pavlerë (të pleqërisë), që pasi të ketë marrë dije, të mos dijë asgjë. Dhe ti sheh tokën të tharë, dhe kur Ne zbresim ujë mbi të, ajo fillon të zhdërvillet, të lulëzojë e të nxjerrë çiftin e çdolloj bime të këndshme.Shpjegime
Ky ajet shpalos të gjitha etapat e evoluimit të njeriut, madje rendit një nga një ndryshimet që i ndodhin në mitrën e nënës, mu ashtu siç kanë zbuluar shkencëtarët në kohët tona. Prandaj, ky ajet përbën një dëshmi të fuqishme se nuk ishte Hazret Profeti Muhammed s.a.v.s. që arriti vetë këtë dije, por Zoti i Madhërishëm, që është i Dijshmi i së padukshmes, ia tregoi përmes shpalljes.
Më pas Zoti vijon temën në këtë ajet, duke thënë: Ne i dhamë jetë edhe tokës duke zbritur ujë. Edhe shkenca thotë se tokës së thatë kur i bie shi, asaj i fillojnë shenja jete. Por këtu, tema kryesore duket se shiu shpirtëror që zbriti përmes të Dërguarit të Allahut s.a.v.s., ringjalli një tokë të vdekur, pra një popull që shpirtërisht ishte i vdekur.