Në lidhje me këtë ajet thuhet që duhet të bësh pauzë pas fjalëve “bel fe’alehu”, që të përkthehet se “dikush e ka bërë këtë”, sepse përndryshe sipas tyre, Hazret Ibrahimi ^a.s. rezulton të ketë gënjyer, ma’adhallah! Por kjo nuk duket e nevojshme, sepse vetë Hazret Ibrahimi ^a.s. ua kishte thënë më parë se do të bënte diçka kundër idhujve të tyre. Prandaj, pohimi i tij nuk quhet gënjeshtër. Përkundrazi, kjo është një mënyrë replike, pra duke paraqitur një gjë krejt të pamundur si diçka të mundshme, metodë të cilën Hazret Ibrahimi ^a.s. e zotëronte mirë me ndihmën e Zotit. Së dyti, asnjëri nga kundërshtarët e tij nuk besoi se idhulli i madh i kishte rrëzuar idhujt e tjerë, madje e quajtën të pamundur. Pra, kështu Hazret Ibrahimi ^a.s. e provoi se besimi i tyre ishte i rremë dhe se idhujt nuk kishin asnjë fuqi.