Disa komentues të Kuranit janë të mendimit se ky ajet flet për namazet e pesë vakteve. Koha “përpara lindjes së diellit” është e namazit të sabahut; “përpara perëndimit të tij” namazi i ikindisë; “gjatë orëve të natës” janë namazi i akshamit dhe i jacisë; kurse “gjatë pjesëve të ditës” është koha e namazit të drekës. Por çfarëdo që të nënkuptojnë fjalët e ajetit, është mjaft e qartë se për të arritur suksesin dhe qetësinë e mendjes, është shumë e nevojshme ta kujtojmë Zotin dhe ta lavdërojmë Atë. Përkujtimi i vazhdueshëm i Zotit është një mjet shumë i rëndësishëm për të pasur dritën shpirtërore dhe qetësinë mendore. Lexoni 4:104 dhe 22:27.