Ajetet 61 – 62 tregojnë një keshf (vizion) të Hazret Musait ^a.s., në të cilin ai pa Isain ^a.s., Mesihun që do të shfaqej në umetin e tij. Peshku nënkupton mësimin shpirtëror që është ushqim për shpirtin. Vendi ku bashkohen dy dete simbolizon kapërcyellin e umetit të Musait ^a.s. dhe fillimin e umetit të Profetit Muhammed ^s.a.v.s.. Pra, umeti i Musait ^a.s., bashkë me Mesihun dhe ndjekësit e tij, do të vijonte deri në kohën e Profetit Muhammed ^s.a.v.s., por përpara kësaj, të krishterët do ta humbnin rrugën e drejtë, siç tregojnë edhe fjalët që atyre u iku nga dora peshku i tyre. Në librin e famshëm të interpretimit të ëndrrave, thuhet se një nga kuptimet e peshkut në ëndërr ose në keshf është “faltorja e njerëzve të dëlirë dhe xhamia e adhuruesve të sinqertë” (Ta’tirul-enam, nën fjalën ). Kështu që, pas ikjes së peshkut të tyre, do të fillonte epoka e Profetit të Premtuar, pra e Hazret Muhammedit ^s.a.v.s.. Ky ishte një lloj mi’raxhi i Hazret Musait ^a.s., në të cilin Zoti ia tregoi edhe pasardhësin e tij të fundit, Hazret Isain ^a.s., gjithashtu edhe të ngjashmin e tij, pra Profetin Muhammed ^s.a.v.s., i cili do të ishte më i madh në grada sesa Hazret Musai ^a.s..