“Ti mendon se janë zgjuar, kurse ata janë në gjumë”: Komentuesit besojnë se këtu bëhet fjalë për gjumin fizik, gjë që nuk është e saktë. Fjala gjumë nënkupton gjendjen e tyre që ata nuk ishin në kontakt me botën jashtë. Po të ishte fjala për gjumin fizik, nuk do të thuhej “Po t’i shikoje, do të ikje prej tyre me vrap dhe do të mbusheshe me frikë prej tyre”. Një njeri që është në gjumë, nuk të bën as ndikim as nuk të frikëson. Në fakt, ata ishin njerëz shumë të fuqishëm, dhe sa herë që romakët tentuan t’i mësynin në shpellë, përballeshin me qenin e tyre. Banorët e shpellës menjëherë merrnin sinjalin që armiku është te dera dhe ata merrnin masat për t’u përballur ose për t’u fshehur.