Ajetet 21-22 deklarojnë qartazi se njerëzit, të cilët ishin kthyer në idhuj dhe që adhuroheshin nga të krishterët, idhujtarët arabë a kushdo tjetër, janë të vdekur dhe nuk janë të gjallë. Nëse do të bënim një listë të njerëzve që adhurohen në botë, më në krye do të dilte emri i Jezusit ^a.s., i cili pa të drejtë adhurohet nga të krishterët si biri i Zotit. Andaj, i pari të cilin këto ajete deklarojnë si të vdekur, është pikërisht Hazret Isai ^a.s.. Nuk duhet të harrojmë se ne si muslimanë besojmë se këto ajete janë fjalë të Zotit, dhe nëse Hazret Isai ^a.s. do të ishte ende i gjallë, ato do të ishin një lapsus, gjë që asnjë besimtar nuk ia atribuon Zotit. Andaj, besimi se Hazret Isai ^a.s. është ende i gjallë, bie ndesh me shumë ajete të Kuranit. Më shumë për këtë temë lexoni 5:116-118; 3:56; 3:145; 21:9.