Fjalët “ai iu dha asaj” nuk nënkuptojnë se Hazret Jusufi ^a.s. donte të hynte në mëkat, por këtë pjesë duhet ta lexojmë bashkë me pjesën vijuese “po të mos kishte parë provën e Zotit të tij”. Kjo do të thotë se edhe Jusufi do të bënte mëkat bashkë me të, po të mos kishte parë provën e Zotit të tij. Dhe provë nuk do të thotë se ai pikërisht në atë moment pa ndonjë mrekulli, siç përshkruajnë disa komentues të Kuranit, por bëhet fjalë për shenja të vazhdueshme që Allahu i Madhërishëm i ka treguar që nga fëmijëria e tij, aq saqë, Hazret Jusufi ^a.s. kishte njohjen ndaj Zotit të Madhërishëm dhe nuk mund të bënte mëkat.