Kurani u quajt kujtesë (arab. dhikr), sepse ai i kujton njeriut “librin” e tij të brendshëm, “librin” që gjendet në ndërgjegjen e tij. Në këtë aspekt, Kurani nuk solli ndonjë mësim të ri, por i kujtoi njeriut aftësitë dhe normat që ishin të fshehura tek ai. Vetëpërmbajtja, sakrifica, guximi, forca, zemërimi, vetëmjaftueshmëria etj.. të gjitha këto janë aftësi që gjenden në natyrën e njeriut. E Kurani ia kujtoi ato. Siç thuhet edhe në një ajet tjetër që Kurani është “(i ruajtur) në një Libër të fshehtë” (56:79). Kështu që, kur njeriu e studion me vëmendje këtë Libër, do t’i kujtojë aftësitë e tij morale dhe shpirtërore, si dhe dritën e tij të zemrës që i ka dhuruar Vetë Krijuesi.