Kurani i Shenjtë nuk përmend as përmasat e arkës së Nuhut ^a.s., dhe as idenë që përmbytja e kohës së tij të ishte e përbotshme. Kurani përmend vetëm fjalën “toka” (arab. el-erd), që do të thotë vetëm toka ku Nuhu ^a.s. jetoi e predikoi. Bibla përmend malin e Araratit si vendi ku arka e Nuhut ishte ankoruar (Zanafilla 8:4). Ararat mund të jetë fjalë arabe që zbërthehet si ara-rit, d.m.th. “shoh majën e malit”. Kurse Kurani përmend Xhudij si ndalesë të arkës, dhe që në arabisht fjalë për fjalë do të thotë “mirësia ime”. Pra, me fjalë të tjera, Zoti thotë – Anija u ndal në mirësinë Time.