- کَیۡفَ یَکُوۡنُ لِلۡمُشۡرِکِیۡنَ عَہۡدٌ عِنۡدَ اللّٰہِ وَ عِنۡدَ رَسُوۡلِہٖۤ اِلَّا الَّذِیۡنَ عٰہَدۡتُّمۡ عِنۡدَ الۡمَسۡجِدِ الۡحَرَامِ ۚ فَمَا اسۡتَقَامُوۡا لَکُمۡ فَاسۡتَقِیۡمُوۡا لَہُمۡ ؕ اِنَّ اللّٰہَ یُحِبُّ الۡمُتَّقِیۡنَ ﴿۷﴾9 : 7 Si mund të jetë e mirëqenë marrëveshja e idhujtarëve tek Allahu dhe tek i Dërguari i Tij, përveç atyre, me të cilët ju lidhët marrëveshje në Xhaminë e shenjtë?! Pra, derisa ata qëndrojnë (në marrëveshje) për dobinë tuaj, edhe ju qëndroni për dobinë e tyre. Sigurisht, Allahu i do ata që janë të druajtur (ndaj Tij).Shpjegime
Ajeti tregon se lufta ishte e lejuar vetëm kundër atyre jomuslimanëve, të cilët në mënyrë të përsëritur kishin shkelur traktatet dhe i kishin sulmuar muslimanët pabesisht. Për sa i përket pjesës tjetër, muslimanëve u ishte kërkuar që t’i respektonin marrëveshjet me ta në mënyrë rigoroze. Ashtu si 9:4, edhe ky ajet përshkruan respektimin e besëlidhjeve dhe të traktateve si një akt devotshmërie e drejtësie dhe kusht për të fituar dashurinë e Allahut. Kurani në mënyrë të përsëritur dhe të prerë i nxit muslimanët që të jenë besnikë ndaj traktateve të tyre.