Çfarë është kjo shenjë dalluese që u premtohet besimtarëve të cilët ushqejnë druajtje ndaj Allahut? Ajo është një dritë që nuk do ta kenë të tjerët, pra drita e komunikimit me Zotin qoftë përmes shpalljes, qoftë përmes pranimit të shpeshtë të lutjeve, qoftë përmes mrekullisë së pastrimit shpirtëror. Mrekullia më e madhe që u jepet njerëzve të Zotit për shkak të druajtjes së tyre ndaj Tij, është pikërisht drita që pasqyrohet nga zemra dhe nga mendja dhe nga të gjitha aftësitë e tyre; përmes kontaktit me Zotin, ata fuqizohen dhe pastrohen në atë mënyrë, që të tjerët nuk mund të gëzojnë një gjë të tillë. Kështu që, aftësitë dhe shqisat e tyre shpirtërore bëhen tejet të mprehta dhe urtësia Hyjnore fillon të rrjedhë në gjithë shpirtin e tyre.