Ky ajet tregon se xheneti nuk është ndonjë vend fizik diku sipër qiejve, sepse ajeti thotë se xheneti është aq i gjerë sa krejt qiejt dhe toka. Kur zbriti ky ajet, dikush e pyeti Profetin ^s.a.v.s. – Nëse xheneti është i shtrirë mbi të gjithë qiejt e tokën, ku ndodhet xhehenemi?” Profeti ^s.a.v.s. iu përgjigj: “Subhanallah! Ku shkon nata, kur agon dita?!” (Musned Ahmed, nr. 15100; Raziu 3:133). Do të thotë se edhe xhehenemi aty është, por ju nuk e ndieni. Kështu që, koncepti se xheneti e xhehenemi kanë toka të ndryshme, është i gabuar. Në të njëjtën gjithësi banojnë të dy banorët, edhe të xhenetit, edhe të xhehenemit. Kjo gjithashtu tregon se Allahu i Madhërishëm i kishte treguar Profetit Muhammed ^s.a.v.s. një koncept të relativitetit, pra, dy gjëra që mund të jenë në të njëjtin vend, por për shkak të dimensioneve të tyre të ndryshme, ato nuk përzihen me njëra-tjetrën.