Hazret Isai ^a.s. lindi pa baba dhe kjo ishte një shenjë për bijtë e Izraelit që në fisin e tyre po sosej fara e profetërisë, pasi premtimi i Zotit për profetërinë te ta ishte i kushtëzuar me druajtjen dhe pastërtinë e tyre shpirtërore (2:125). Kur ata nuk patën më druajtje ndaj Zotit, Zoti ua dha këtë shenjë, që i mençuri ta kuptonte se profetërisë së tyre po i vinte fundi. Përmendja e lindjes së Hazret Isait ^a.s. bashkë me përmendjen e lindjes së Hazret Jahjait ^a.s. ndër të tjera tregon se ashtu siç lindja e Jahjait ishte në kushte të jashtëzakonshme, në të njëjtën mënyrë edhe lindja e Isait u bë në kushte të ngjashme. Pra, Zoti tregoi fuqinë e Tij se Ai mund ta krijonte Jahjain përmes mrekullisë së Tij kur të dy prindërit nuk kishin asnjë mundësi për të lindur fëmijë, dhe jo vetëm kaq, Ai është Fuqiplotë ta krijojë edhe Isain pa baba.