Ndëshkimi i zjarrit në këtë ajet nuk nënkupton vetëm zjarrin e xhehenemit që do të jetë në ahiret, por shumë zjarre edhe të kësaj bote. Çdo njeri që jeton gjatë në këtë botë përballet me lloj-lloj zjarresh. Ndëshkime nga më të ndryshmet, frikë nga shumë gjëra, sëmundje, dështime, poshtërime, brenga gjithë farësh që vijnë nga familja, të afërmit etj., të gjitha këto nuk janë më pak se zjarri. Besimtari duhet t’i lutet Zotit që Ai ta shpëtojë nga të gjitha këto zjarre, dhe t’i drejtohet Atij – Unë që kam kapur pragun Tënd, o Zoti im, ma lehtëso jetën dhe më shpëto nga zjarri i saj. Lexoni edhe 69:33.