Ky është një nga ajetet më të hershme ku Zoti u dha muslimanëve lejen për të luftuar. Ajeti i parë që solli këtë leje ishte 22:40. Në thelb, ky ajet i sures El-Bekare tregon kushtet, të cilave një luftë e armatosur fetare duhet t’u përmbahet, dhe ato janë: (a) të synojë heqjen e pengesave që kundërshtarët u kanë vendosur në rrugën e Allahut, pra të synojë vendosjen e lirisë së fesë dhe të besimit; (b) lufta të bëhet vetëm kundër atyre, të cilët sulmuan të parët kundër muslimanëve; dhe (c) muslimanët duhet të heqin dorë nga lufta, sapo armiku të tërhiqet nga ajo, pasi Allahu nuk i do ata që e teprojnë. Lexoni edhe 25:53.