Nuk do të thotë që ata të vrisnin veten. Enfuse-kum do të thotë vetja juaj; të afërmit tuaj; dëshirat tuaja të ulëta. Enfus është shumësi i fjalës nefs, që gjithashtu do të thotë dëshirë. Për të pasur pastrimin shpirtëror, bijtë e Izraelit ishin urdhëruar të luftonin dëshirat e tyre, metodë e cila në kuptimin e figurshëm quhet “vetasgjësim”. Kurse pohimi që gjendet në Bibël se ata u urdhëruan që “secili të vrasë vëllanë e tij, mikun e tij, fqinjin e tij!” (Bibla, Eksodi 32:27), nuk mbështetet nga Kurani, pasi Kurani pohon se ata u falën (4:154), madje edhe udhëheqësi i devijuar i tyre, Samiriu, nuk u vra (20:98). Edhe fjalët vijuese të këtij ajeti: “jua pranoi pendesën duke ju mëshiruar …” e mbështesin këtë komentim në lidhje me bijtë e Izraelit.