- الَّذِیۡنَ یُؤۡمِنُوۡنَ بِالۡغَیۡبِ وَ یُقِیۡمُوۡنَ الصَّلٰوۃَ وَ مِمَّا رَزَقۡنٰہُمۡ یُنۡفِقُوۡنَ ۙ﴿۴﴾2 : 4 që besojnë në të padukshmen, falin namazin dhe shpenzojnë nga çdo gjë që Ne u kemi dhënë;Shpjegime
Fjalët e Kuranit për faljen e namazit janë ikametus-salah, që fjalë për fjalë do të thotë ngre a lartësoj namazin. Në të gjithë Kuranin e Shenjtë veprimi i kryerjes së namazit përmendet me foljen lartësoj, që do të thotë që duhet të përpiqesh ta mbash namazin në lartësinë e duhur dhe nuk duhet të lejosh që të të bjerë. Rituali i namazit është shprehja e jashtme fizike që përkthen ndjenjat dhe lidhjen tënde me Zotin. Përveç kësaj, nga mirësitë e Zotit përfiton si trupi, ashtu edhe shpirti. Andaj, adhurimi i përkryer do të ishte pikërisht ai që do t’i përfshinte të dyja anët, edhe truporen, edhe shpirtëroren, siç me të vërtetë është falja islame që quhet salah ose namaz. Pa adhurim të sinqertë të shpirtit, namazi fizik është si një lëvozhgë pa bërthamë. Por edhe lëvozhga është e nevojshme që ta ruajë e ta zhvillojë bërthamën. Të dyja plotësojnë njëra-tjetrën. Dhe ruajtja e të dyja anëve nga namazfalësi është lartësimi i namazit, togfjalësh të cilin, në shqip, e kemi përkthyer siç përkthehet zakonisht nga të gjithë shqipfolësit muslimanë, pra falja ose kryerja e namazit.