(Маанисиз) каада-салттардан оолак болгула
Азирети Масийхи Мавъуд (алайхиссалам): «Менин Жамаатыма мүчө болгон ар бир адам Курани Каримдин бардык буйруктарына амал кылуучу болсун, же эч болбогондо амал кылууга аракет кылуучу болсун, ага ыйман келтирүүчү болсун», – деп каалар эле. Эгер бир буйрукту эле четке какса, анын мени менен алакасы жок деп айткан. Ал: «Мага ыйман келтиргендер дүйнө каада-салттарынан жогору болуп, дүйнө кызыкчылыктары жана маанисиз-курулай каада-салттарынан оолак болуучу болсун, ошондой эле Алла жана Анын Пайгамбары Мухаммад (саллаллааху алайхи ва саллам) буюрган иштерин кылууга аракет жасоочу болсун», – деп каалачу. Алла Тааланын Пайгамбары Мухаммад (саллаллааху алайхи ва саллам) Алла Таала Курани Каримде берген буйрукка эле буюрат. Ошол үчүн кимдир бирөө Азирети Айша (разияллааху анхаа)дан: «Бизге Мухаммад Пайгамбар (саллаллааху алайхи ва саллам)дын кулк-мүнөзү туурасында айтып бериңиз», – деп сураганда, ал (разияллааху анху): «Куранды окубайсызбы, Курани Каримде баяндалган кулк-мүнөздүн өзү эле Пайгамбар (саллаллааху алайхи ва саллам)дын кулк-мүнөзү болгон», – деп жооп берди. Ошондуктан, Азирети Масийхи Мавъуд (алайхиссалам) айтты: мен өзүмө Жетекчи жана Жолбашчы[1] болгонду ээрчиймин жана Курани Каримдеги ар бир буйрукту өзүмө Дастурул-Амал деп билемин. Эгер силер дагы ошондой ээрчүүгө аракет кылсаңар, анда менин Жамаатым сабына кошуласыңар. Байъат кылган соң Жамаат ошого жараша үлгүлөрдү да көргөздү.
Ушул жерде эң алгач бир аялдын үлгүсүн сунуш кыламын. Бул аял Азирети Чавдхрий Зафруллахан Сахиб (разияллааху анху)нун апасы эле. Анын жээни Чавдхрий Башийр Ахмад Сахиб Чавдхрий Сахибдин мындай деп жазганын рабаят этет: «Апам жаман каада-салттардан канчалык жийиркенгенин төмөнкүдөй окуядан билсе болот: менин тоюм учурунда (Чавдхрий Башийр Ахмаддын) никеден кийин мени аялдар бөлмөсүнө чакырышты. Айылдагы каада-салттар боюнча бетме-бет эки отургучту даярдаганын көрдүм. Анын бирине менин, экинчисине келиндин отуруусун күтүшүүдө. Пенжабча Беру Горий[2] ойноо деп аталуучу айрым каада-салттарды өткөрмөкчү болушту. Мен бир аз тынчсыздандым. Бирок: «Азыр аялдар менен талашып-тартышып, баш тартуу ыңгайсыз иш», – деп ойлоп, мага белгилеп коюлган отургучка отуруп алып, каада-салт үчүн даярдалып коюлган нерселерге кол сундум. Ошондо жеңем (Чавдхрий Сахибдин апасы) менин колумдан катуу кармап, четтетип: «Уулум, булар – Ширктин иштери», – деп айтты. Андан менин да көңүлүм көтөрүлдү, мен ошол нерселерди колум менен чачып жибердим жана ордуман туруп: «Мен мындай каада-салттарды орундатпаймын», – деп айттым. Ошентип, алардан кутулдум».
Бүгүнкү күндө да аялдар ошол нерсеге көңүл буруулары керек. Өз өлкө же ата журттун каада-салттарын ээрчүү тургай, тескерисинче кенедей Ширкти да туурай турган каада-салттардан, кайда болбосун, сактанууга аракеттенүү керек. Алла Таала бардык Ахмадий аялдарга ошондой шыктуулук менен өздөрүн жана өз тукумдарын тарбиялоо мүмкүнчүлүгүн насип этсин. Биздин өлкөлөрдөгү – Пакистан-Индия ж. б. (өлкө)лөрдөгү мусулмандарда кыздарга толук мурас бербөө салты бар. Айрыкча, айылда жашагандар, дыйкандар толук мурас берүүнү кой, таптакыр беришпейт. Буларга Чавдхрий Насруллахан Сахибдин бир үлгүсү кезигет. Чавдхрий Сахиб (Зафруллахан) мындай жазат: биздин эжебизге ошол доордун салтына жараша анын тоюнда атам абдан көп буюмдарды белек катары берди, анан: «Мен калтырып койгон мурасым Мухаммад Пайгамбар (саллаллааху алайхи ва саллам)дын шариятына ылайыктуу эркек балдарга да, кыздарга да бөлүштүрүлүп берилет», – деп осуят да кылды. Ошентип, ал каза болгон соң анын кызына да шариятка ылайыктуу үлүш берилди.
[1] Мухаммад Пайгамбар (саллаллааху алайхи ва саллам).
[2] Индия-Пакистандагы тойлорго таандык салттардын бири.