Эң Мээримдүү (жана) Эң Ырайымдуу Алланын ысымы менен
Алладан башка сыйынууга татыктуу эч ким жок, Мухаммад Алланын Элчиси
Убада кылынган Масийх жана Махдий,
Азирети Мырза Гулам Ахмад (ас)га ишенүүчү мусулмандар
Чектеш темалардын мазмуну

Алла Таала тарабынан Байъат алууга буюрулгандыгы

Байъат ант убада дин Ислам

Акыры, алты-жети жылдан кийин 1888-жылдын биринчи чейрегинде, тагыраак айтканда, алгачкы үч айында Алла Таала тарабынан ага Байъат алууга буйрук келди. Кудайдан келген ошол буйрук төмөнкү сөздөрдөн турган:

فَاِذَا عَزَمۡتَ فَتَوَکَّلۡ عَلَی اللّٰہِ وَ اصۡنَعِ الۡفُلۡکَ بِاَعۡیُنِنَا وَ وَحۡیِنَا الَّذِیۡنَ یُبَایِعُوۡنَکَ اِنَّمَا یُبَایِعُوۡنَ اللّٰہَ ؕ یَدُ اللّٰہِ فَوۡقَ اَیۡدِیۡہِمۡ

Котормосу: Сен ниет кылганыңдан кийин Аллага тобокел кыл жана Биздин алдыбызда, Биздин вахий-аяныбыз боюнча кеме даярда. Сенин колуңда Байъат кыла тургандардын колдорунун үстүндө Алланын колу болот.  («Жарыя», 1888-жылы, 1-декабрь, 2-бет)

Ар кандай жакшы-жаман адамдардын Байъат кылып, ушул Жамаатка кирүүсүн ХузурАС[1] жактырчу эмес. Анын жүрөгү табиятында туруктуулук бар, чала эмес, куттуу адамдардын ушул куттуу Жамаатка кирүүсүн каалоочу. Ошондуктан, ал затАС[2] ыкыластуулар менен эки жүздүүлөрдүн ортосундагы айырманы көрсөтө турган учурду күтүп отурган. Ошентип, Алла Таала Өзүнүн жетик даанышмандуулугу жана рахматы менен ошол эле жылы 1888-жылдын ноябрында «Башийр-э-Аввал» каза болгондо, ошол мүмкүнчүлүктү пайда кылды. (Ал Азирети Масийхи МавъудАСдын перзенти болгон). Өлкөдө ал затАСга каршы чоң ызы-чуу көтөрүлдү жана чала ыймандуулар жаман ойго барып, (аны) таштап кетишти. Ошентип, бул анын пикиринче ушул куттуу Жамаатка негиз салууга ыңгайлуу учур болду. Ал затАС 1888-жылы 1-декабрь күнү бир жарыясында ачык Байъат кылууга чакырды. ХузурАС: «Истихаара-э-Маснуунадан»[3] кийин Байъатка келгиле», – деп көрсөтмө берди. («Иштихаар Такмийл-э-Таблийг», 1888-жылы, 12-январь)

Демек, алгач дуба кылгыла, Истихаара кылгыла, анан Байъат бергиле.

Ушул жарыядан кийин Азирети Масийхи МавъудАС Кадияндан[4] Лудхияна[5] шаарына жөнөп кетти жана Жадид көчөсүндө турган Азирети Суфий АхмаджанРАнун[6] үйүнө конду. («Хаят-э-Ахмад», 3-том, 1-бөлүк, 15-бет)

[1] «Азирети», «улуу урматтуу» же «ардактуу» дегенди билдирет.

[2] Азирети Мырза Гулам АхмадАС.

[3] Пайгамбарыбыз МухаммадСАВдын сүннөтүнөн далилденген Истихаара намазы.

[4] Индиянын Пенжаб облусунда жайгашкан Ахмадия Мусулман Жамаатынын түбөлүк борбору.

[5] Индиянын шаары.

[6] Азирети Масийхи МавъудАСдын чыныгы досу. Ал анын Имам Махдиймин деген билдирүүсүнөн мурун каза болгон.

Send this to a friend