Чыккынчылык жолдорунан абайлагыла

Анан ошол экинчи шартта эле «мен чыккынчылык жолдорунун баарынан сактанып турамын» деген убада да бар. Азирети Масийхи Мавъуд (алайхиссалаам) мындай дейт:وَ قٰتِلُوۡہُمۡ حَتّٰی لَا تَکُوۡنَ فِتۡنَۃٌ وَّ یَکُوۡنَ الدِّیۡنُ لِلّٰہِТактап айтканда, алардын чыккынчылыгы жок болуп, диндин бардык тоскоолдуктары жок болуп жана бийлик Алланын динине гана таандык болгонго чейин алар менен алышкыла. Дагы мындай деп айтты:قُلۡ قِتَالٌ فِیۡہِ کَبِیۡرٌ ؕ وَ صَدٌّ عَنۡ سَبِیۡلِ اللّٰہِ وَ کُفۡرٌۢ بِہٖ وَ الۡمَسۡجِدِ الۡحَرَامِ ٭ وَ اِخۡرَاجُ اَہۡلِہٖ مِنۡہُ اَکۡبَرُ عِنۡدَ اللّٰہِ ۚ وَ الۡفِتۡنَۃُ اَکۡبَرُ مِنَ الۡقَتۡلِ ؕ وَ لَا یَزَالُوۡنَ یُقَاتِلُوۡنَکُمۡ حَتّٰی یَرُدُّوۡکُمۡ عَنۡ دِیۡنِکُمۡ اِنِ اسۡتَطَاعُوۡاТагыраак айтканда, Ыйык шаарда өлтүрүү – бул күнөө, бирок Алла Тааланын жолунан тосуу, каапыр болуу жана Алла Тааланын жакшы пенделерин Харам мечитинен кубалоо – бул абдан чоң күнөө. Ошондой эле чыккынчылыкты таркатуу, тагыраак айтканда, тынчтыкты бузуу – бул өлтүрүүдөн да чоң (күнөө)». («Руханий хазаайин», 6-том, «Жанг-э-Мукаддас», 255-бет)

Дагы мындай деп айтат:

«Ошентип, мен өзүм күбөмүн: акыркы күндөрү көптөгөн наадан жана чагымчы хиндулар менен айрым мусулмандар өкмөткө каршы чыккынчылык «жытын» тарата турган иш-аракеттерди жасашат. Ошондуктан, кайсы бир мезгилде алардын табияттарында чыккынчылык пайда болуп калбасын деп мен шек санаймын. Ошол үчүн Пенжаб[1] жана Хиндистандагы ар кайсы жайларда таралган, Кудай Тааланын берешендиги менен миллиондогон сандагы өз Жамаатыма[2] мүчө болгондорго болжолу жыйырма алты жылдан бери оозеки жана жазуу жолу менен аларга эскертип келген таалимди жакшылап эске тутуусуна баса белгилеп насаат кыламын. Тактап айтканда, алар ушул бийликке баш ийүүлөрү керек, себеби ал бизге жакшылык кылган бийлик… Демек, билгиле, жакшылап билгиле, ушул бийликтин каршысында кандайдыр бир чыккынчылыктан турган ойго ээ болгон бирөө менин Жамаатымда тура албайт. Менимче, эзүүчү-заалимдердин чеңгээлинен бизди куткарган жана көлөкөсүндө Жамаатыбыз өсүп-өнүгүп жаткан бийликтин жакшылыгына ыраазычылыгыбызды билдирбөө – бул абдан чоң пастык. Алла Таала Курани Каримде мындай дейт:ہَلۡ جَزَآءُ الۡاِحۡسَانِ اِلَّا الۡاِحۡسَانُТагыраак айтканда, жакшылыктын куну – жакшылык гана. Хадис Шарифте да: «Ким адамзатка шүгүрчүлүк кылбаса, ал Алла Таалага да шүгүрчүлүк кылбайт», – деп айтылган. Ойлоп көргүлөчү, эгер силер ушул бийликтин көлөкөсүнөн чыгып кетсеңер, анда силердин турагыңар кайда болот? Деги, силерди өз паанасына ала турган бийликтин атын айткылачы? Ар бир мусулман өкмөтү силерди жок кылуу үчүн каарданып-кекенип отурат, анткени алардын назарында силер каапыр жана Муртад[3] деп аталгансыңар. Ошондуктан, силер Кудай Таала тартуулаган ушул нээматтын кадырына жеткиле… Эми жөндөн-жөн «кандайдыр бир канкор Махдий келип, христиан падышаларды кармап алат» деген өңдүү ишеничтерди таратуу – бул жасалма эле маселелер болуп, бизге каршы болгон мусулмандардын жүрөгүн карартып жана таш боор кылды. Дагы ошондой ишеничтерге ээ болгондор – коркунучтуу адамдар. Ошондой ишеничтер кандайдыр бир убакытта наадандардын чыккынчылыгына себепкер болушу мүмкүн, тескерисинче, сөзсүз болот. Демек, мусулмандар ошондой ишеничтерден кутулсун деп биз аракеттенүүдөбүз. Билип койгула, кайсыл динде адамдык боорукерлик болбосо, ал Алла Таала тарабынан боло албайт. Алла Таала бизге: «Силерге асмандан ырайым кылынсын үчүн силер жерге ырайым кылгыла!» – деп үйрөткөн». («Мажмуъа-э-Иштихаараат», 3-том, 582-585-бет)

_______________________________

[1] Индиянын бир штаты.

[2] Ахмадия Мусулман Жамааты.

[3] Ислам дининен кайткан адам.