Байъат шарттары жана Ахмадийдин милдеттери • Ахмадия Мусулман Жамааты
Эң Мээримдүү (жана) Эң Ырайымдуу Алланын ысымы менен
Алладан башка сыйынууга татыктуу эч ким жок, Мухаммад Алланын Элчиси
Убада кылынган Масийх жана Махдий,
Азирети Мырза Гулам Ахмад (ас)га ишенүүчү мусулмандар
Чектеш темалардын мазмуну
  1. Home /
  2. Китепкана /
Ислам Байъат

Байъат шарттары жана Ахмадийдин милдеттери

Жүктөөлөр жана форматтар

Бөлүмдөр

Китептин кыскача маани-мазмуну

    • Бул – Сүйүктүү Пайгамбарыбыз Мухаммад (саллаллааху алайхи ва саллам)дын алдын-ала кабарларына ылайык келген Масийхи Мавъуд (Убада кылынган Масийх) жана Махдийи Маъхуд (Убада кылынган Махдий) – Азирети Мырза Гулам Ахмад (алайхиссалаам)ды таануу жана аны кабыл алуу мүмкүнчүлүгүн берген Алла Тааланын бизге карата мээримдүүлүгү жана берешендиги. Фал-хамдулиллахи алаа заалик.
    Ал (алайхиссалаам) Алла Таала тарабынан Байъат (ант берүү) алууга буюрулганда, ал (алайхиссалаам) Байъат бере турган адамдар үчүн 1889-жылдын 12-январында жарыялаган «Такмийл-э-таблийг» (даават-үгүттүн толукталгандыгы) деген жарыясында он Байъат шартын белгиледи. Азирети Имам Махдий (алайхиссалаам)дын Жамаатына кире турган ар бир киши ошол шарттарга амал кылууга сөз берет. Ал шарттарды кеңири билүү жана аларга амал кылууга аракеттенүү бардыгыбыз үчүн өтө зарыл.
    Амийрул-Му’минийн (момун-мусулмандардын жетекчиси) – Убада кылынган Масийх жана Махдий (алайхиссалаам)дын 5-Халифасы Азирети Мырза Масрур Ахмад (аййадахуллааху таъаала би-насрихил-азиз) бизге багыт берүү үчүн жана жеңил түшүндүрүү үчүн ар түрдүү кайрылуусунда жана жума кутбаларында Курани Карим, Сүйүктүү Пайгамбарыбыз Мухаммад (саллаллааху алайхи ва саллам)дын хадистери жана Азирети Имам Махдий (алайхиссалаам)дын сөздөрүнүн негизинде ошол Байъат шарттарын абдан жеткиликтүү жана кеңири чечмелеген. Ал киши аны 2003-жылдын 27-июлунда жасаган Жалса Саланадагы (Жылдык Жыйын) соңку кайрылуусунда баштаган. Анда он Байъат шартынан алгач үчөөнү кеңири баяндаган, ал эми 2003-жылдын 24-августунда Германиядагы Жалса Саланада ал киши жасаган өзүнүн соңку кайрылуусунда төртүнчү, бешинчи жана алтынчы Байъат шартын кеңири чагылдырган. Анан 29-август күнү Германиядагы Франкфурт шаарына караштуу Шевер Хаале шаарында окуган жума кутбасында жетинчи жана сегизинчи Байъат шартын кеңири баяндап берген. Тогузунчу шартты 2003-жылдын 12-сентябрында Лондон шаарындагы «Фазл» мечитинде окуган кутбасында, онунчу Байъат шартын Лондондогу «Фазл» мечитинде 2003-жылдын 19-сентябрында кеңири баяндап берген.
    Бул китеп 2004-жылы алгачкы ирет урду тилинде Англияда басылган. Мына ушул басылышка 5-Халифанын ошол темага тиешелүү 2003-жылдын 26-сентябрында Лондондогу «Фазл» мечитинде, 2003-жылдын 10-октябрында Лондон шаарындагы «Байтул-Футух» мечитинде, анан 2003-жылдын 17-октябрында Лондондогу «Фазл» мечитинде окуган үч кутбасы да кошулду. Ушул кутбаларда 5-Халифа Азирети Имам Махдий (алайхиссалаам)дын Байъатына кошулган ыйыктарда жүз берген таза руханий өзгөрүүлөрдү айкындап көрсөттү.
    Айрым жайларда 5-Халифанын уруксаты жана көрсөтмөлөрү боюнча аз гана өзгөртүүлөр киргизилди. Ал эми бул китепчедеги бардык түшүндүрмөлөр (сноска) котормочу тарабынан берилди.
    Ушул кайрылуулар жана кутбаларды кайрадан карап чыккан соң, окурмандардын пайдасы үчүн китеп катары басмадан чыгаруу бактысыга ээ болуудабыз. Алла Тааладан мына ушул шарттарды туура түшүнүүгө жана аларга жакшы амал кылууга күч-кубат берүүсүн суранабыз, ошондой эле Азирети Имам Махдий (алайхиссалаам) арзуу кылгандай, биздин чыныгы жана нукура Ахмадий мусулман болуубузга да Алла Таала мүмкүнчүлүк берсин. Аамийн!

    Мунируддин Шамc
    Эдишнал Вакил-ут Тасниф Лондон

     
    Share via
    Share via