Por si mund ta gjeni këtë bekim? Përgjigjen jua ka dhënë Zoti në Kuran, ku thotë:
وَ اسۡتَعِیۡنُوۡا بِالصَّبۡرِ وَ الصَّلٰوۃِ
“Kërkojini Zotit ndihmë me anë të durimit dhe namazit.”[1]
Çfarë është namazi? Ai është lutje që parashtrohet me përgjërim, duke lartësuar, lavdëruar dhe madhëruar Zotin, duke i kërkuar falje Atij (istigfari) dhe duke i dërguar salavate të Dërguarit të Tij. Andaj, kur të falni namazin, mos u mjaftoni vetëm me fjalët arabe, si njerëzit e pavëmendshëm, sepse namazi dhe istigfari i tyre të gjitha janë thjesht zakone, që nuk kanë asnjë lidhje me realitetin.
Prandaj, kur ju të falni namazin, përveç pjesës së Kuranit, sepse ajo është fjala e Zotit dhe përveç pjesës së lutjeve të Profetit, sepse ajo është fjala e Profetit, të gjitha lutjet e tjera bëjini me përgjërim në gjuhën tuaj, në mënyrë që kjo përulësi e ky sinqeritet të kenë ndikim në zemrat tuaja. …
Namazi ju sjell zgjidhje për fatkeqësitë e ardhshme. Ju nuk e dini se çfarë fati do t’ju sjellë e nesërmja. Andaj, përpara se t’ju vijë dita e re, përgjërohuni pranë Mikut tuaj, që juve t’ju vijë e mbarë dhe e bekuar.
LEXONI:
- Namazi, esenca dhe filozofia e tij
- Si të falim namazin? Mësoni arabisht e shqip me tekst dhe audio
- Lutje të ndryshme në shqip
[1] El-Bekare 2:46.