Lutje pas dhënies së selamit nga namazi

(1) Sipas Theubanit^ra, skllavit të liruar nga i Dërguari i Allahut^sas, pas namazit i Dërguari i Allahut^sas thoshte tri herë “estagfirullah” (i kërkoj falje Allahut) dhe bënte këtë lutje:

O Allah! Ti je paqja dhe prej Teje vjen paqja! Je bekimplotë, o zotërues i madhështisë dhe i nderit!^[1]

(2) Hazret Mugira Ibni Shi’ba^ra tregon se i Dërguari i Allahut^sas pas dhënies së selamit nga namazi, thoshte tri herë këto fjalë:

Nuk ka të adhuruar tjetër përveç Allahut. Ai është i vetëm dhe i pashoq. Të Atij janë sundimi dhe lavdia. Ai është i Plotfuqishëm për çdo gjë.

E më pas lutej:

O Allah! Askush nuk mund të pengojë atë që Ti e dhuron dhe askush nuk mund të japë atë që Ti e refuzon dhe nuk mund të bëjë dobi madhështia e askujt përballë Teje.^[2]

^[1]. Muslimi, Kitabul-mesaxhid, bab istihbab edh-dhikr ba’das-salat.
^[2]. Buhariu, Kitabud-da’vat, bab dua ba’das-salat.