A duhet të agjërojmë nëse jemi në udhëtim ose të sëmurë? -
Me emrin e Allahut, të Gjithëmëshirshmit, Mëshirëbërësit.
Nuk ka të adhurueshëm tjetër përveç Allahut, Muhammedi është i Dërguari i Allahut.
Muslimanët që besojnë se Hazret Mirza Ghulam Ahmedi a.s.,
është Imam Mehdiu dhe Mesihu i Premtuar.

A duhet të agjërojmë nëse jemi në udhëtim ose të sëmurë?

agjërimi gjatë udhëtimit

Kurani porosit udhëtarin e të sëmurin të agjërojnë në ditë të tjera dhe jo gjatë Ramazanit. Bekimi vjen me pëlqimin e Zotit dhe jo me forcën e krahut.

Porosia e Kuranit për udhëtarin e të sëmurin

Allahu i Madhërishëm në Kuranin Famëlartë thotë:

فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ

Pra, kushdo që është i sëmurë prej jush, ose që gjendet në udhëtim, le ta plotësojë numrin në ditë të tjera.”[1]

Urdhri kuranor i lartpërmendur thotë qartë se njeriu duhet të shmanget nga agjërimi gjatë një udhëtimi ose gjatë sëmundjes dhe të kompensojë numrin e ditëve të humbura në ditë të tjera.

Hazret ‘Amr ibn Umejje r.anhu rrëfen:

عَمْرُو بْنُ أُمَيَّةَ الضَّمْرِيُّ، قَالَ قَدِمْتُ عَلَى رَسُولِ اللَّهِ ﷺ مِنْ سَفَرٍ فَقَالَ: ‏  انْتَظِرِ الْغَدَاءَ يَا أَبَا أُمَيَّةَ ‏”‏ ‏.‏ فَقُلْتُ إِنِّي صَائِمٌ ‏.‏ فَقَالَ: ‏”‏ تَعَالَ ادْنُ مِنِّي حَتَّى أُخْبِرَكَ عَنِ الْمُسَافِرِ إِنَّ اللَّهَ عَزَّ وَجَلَّ وَضَعَ عَنْهُ الصِّيَامَ وَنِصْفَ الصَّلاَةِ “‏Erdha tek Profeti i Shenjtë Muhammedi (paqja dhe bekimi qofshin mbi të) nga një udhëtim dhe ai më tha: “Prit pak, në mënyrë që të mund të hamë, o Ebu Ummeje!” Unë i thashë: “Jam duke agjëruar”. Profeti i Shenjtë Muhammedi (paqja dhe bekimi qofshin mbi të) më tha: “Afrohu pranë meje që të tregoj diçka për udhëtarin. Sigurisht, Allahu i Madhërishëm e ka hequr prej tij agjërimin dhe gjysmën e namazit.” [2]

Vlen të theksohet se ka hadithe të caktuara të Profetit të Shenjtësavs të cilat tregojnë se ai nganjëherë agjëronte ndërsa udhëtonte, por kjo ndodhte vetëm kur ai agjëronte vullnetarisht dhe jo kur agjëronte gjatë Ramazanit.

LEXONI:

Hazret Xhabir ibn ‘Abdullah r.anhu rrëfen:

عَنْ جَابِرِ بْنِ عَبْدِ اللَّهِ رَضِىَ اللهُ عَنْهُ قَالَ: كَانَ رَسُولَ اللَّهِ ﷺ فِي سَفَرٍ، فَرَأَى زِحَامًا، وَرَجُلاً قَدْ ظُلِّلَ عَلَيْهِ، فَقَالَ: ‏”‏مَا هَذَا؟‏”‏‏‏ فَقَالُوا: “صَائِمٌ”‏.‏ فَقَالَ: ‏”لَيْسَ مِنَ الْبِرِّ الصَّوْمُ فِي السَّفَرِ‏”‏‏Gjersa Profeti i Shenjtë (paqja dhe bekimi qofshin mbi të) ishte në një udhëtim, ai pa një turmë njerëzish rreth një personi mbi të cilin bënin hije. Profeti i Shenjtësavs pyeti: “Ç’është kjo?” Ata i thanë: “(Ai) është agjërueshëm”. Profeti i Shenjtësavs tha: “Nuk është prej mirësisë të agjërosh gjersa udhëton”.[3]

Mesihu i Premtuar a.s. thotë:

Kush agjëron në Ramazan gjersa është i sëmurë ose në udhëtim, padyshim që nuk i bindet urdhrit të Zotit. Zoti ka thënë qartë se të sëmurët dhe udhëtarët nuk duhet të agjërojnë. Një i sëmurë duhet të agjërojë pasi të shërohet nga sëmundja, kurse udhëtari pasi të ketë përfunduar udhëtimin. Ky urdhër duhet të merret parasysh. Pendimi pranohet përmes mirësisë së Allahut dhe jo përmes fuqisë së krahut. Zoti nuk ka specifikuar se sa duhet të jetë gjatësia e udhëtimit dhe as nuk ka vendosur një kriter për shkallën e sëmundjes. Urdhri është i përgjithshëm dhe si rrjedhojë, nëse një person agjëron, ai e shkel urdhrin e Zotit.”[4]

Hazret Mirza Bashir Ahmedra thotë se Mian Fazl Muhammed sahibi (shitës në lagjen “Dar-ul-Fazl”) i shkruajti duke i thënë:

“Gjatë procesit gjyqësor me Maulvi Muhammed Husejn Batalvi-n, për një seancë gjyqësore, na u desh të shkonim në Dharival[5]. Ishte një ditë e nxehtë vere e muajit Ramazan. Shumë miq ishin mbledhur në Dharival dhe plot prej tyre agjëronin. Një nga udhëheqësit e procesit gjyqësor që ishte me ndikim [e cila ishte zonjë] i bëri ftesë Mesihut të Premtuaras. Ai e pranoi ftesën. Udhëheqësja i solli orizin e ëmbël krahas ushqimeve të tjera. Disa shokë e pyetën Huzurinas në lidhje me agjërimet e tyre. Huzurias tha:

Nuk është e lejueshme të agjërosh gjatë udhëtimit.

Prandaj, të gjithë shokët e prishën agjërimin.”[6]

Agjërimi i gruas shtatzënë, gjidhënëses dhe lehonës

Gjatë Ramazanit, nëse një gruaje i fillon cikli menstrual, ajo duhet të ndërpresë agjërimin dhe të kompensojë agjërimet e humbura në ditët tjera. Shtatzëna, gjidhënësja ose lehona është e liruar nga agjërimi sepse, hyn në kategorinë e të sëmurëve.

Profeti i Shenjtë Muhammedisavs ka thënë:

قَالَ رَسُولَ اللَّهِ ﷺ: إِنَّ اللَّهَ تَعَالَى وَضَعَ شَطْرَ الصَّلاَةِ أَوْ نِصْفَ الصَّلاَةِ وَالصَّوْمَ عَنِ   الْمُسَافِرِ وَعَنِ الْمُرْضِعِ أَوِ الْحُبْلَى

Allahu i ka liruar nga agjërimi… shtatzënat dhe lehonat.”[7]

Sipas thënies së Mesihut të Premtuaras, ata që janë vazhdimisht të sëmurë, udhëtarët ose nënat që e dinë se nuk do të kenë mundësi për të agjëruar, qoftë për shkak të moshës së shtyrë apo gjidhënies, nuk duhet të agjërojnë, por duhet të japin Fidje sepse është pothuajse e pamundur që të agjërojnë.[8]

LEXONI EDHE:

A duhet të agjërojë dikush që udhëton për punë?

Nëse dikush udhëton shumë larg për punë ose jetesa e tij varet nga udhëtimet, atëherë ai duhet të agjërojë sepse është mësuar me këtë rutinë.

Njëherë Mesihu i Premtuaras u pyet për personin që udhëton për punë, nëse udhëtimi i një personi të tillë hyn në kategorinë e një udhëtimi, Aias u përgjigj:

[Personi që udhëton për punë] udhëtimet e tyre nuk duhet të konsiderohen udhëtime sepse ato janë pjesë e punës së tyre.”[9]


Referenca

[1] Surja El-Bekare, 2:185.
[2] Sunen en-Nesai, kitab: “Es-Sijam”, bab: “Dhikru wad‘is-sijami ‘anil-musafiri”, hadithi nr. 2267.
[3] Sahih el-Bukhari, kitab: “Es-Saum”, bab: “Kawlun-Nebijjisavs: limen dhul-lile ‘alejhi, wesh-teddel-harru”, hadithi nr. 1946.
[4] Gazeta “Badr”, 17 tetor 1907, fq. 7.
[5] Qytet në rajonin Gurdaspur, Indi.
[6] Mirza Bashir Ahmed, “Siretul-Mahdi”, vëllimi 2, fq. 303.
[7] Sunen Ebu Davud, kitab: “Es-Sijam”, bab: “Ikhtijaril-Fitri”, hadithi nr. 2408.
[8] Gazeta “Badr”, 24 tetor 1907, fq. 3.
[9] Gazeta “Al-Fazl”, 16 gusht 1948.

Related Questions by Topics
Related Contents from Topics
Shpërndaje
Na kontaktoni ne Whatsapp :)
Shtypni këtu ju lutemWhatsApp