Përshkrim i librit

Libri “Eklipsi i Hënës dhe i Diellit në Ramazan” trajton një prej shenjave më të rëndësishme të lidhura me ardhjen e Imam Mehdiut. Duke ndërthurur profecitë fetare me të dhënat astronomike, autori shpjegon se si eklipset hënore dhe diellore të Ramazanit të vitit 1311 hixhri, përkatësisht mars-prill 1894, u përmbushën në datat e përcaktuara në Hadith. Libri paraqet gjithashtu argumentet, kundërshtimet dhe dëshmitë historike që lidhen me këtë shenjë madhështore.

Autori, Prof. dr. Hafiz Saleh Muhammed Alladin, ishte një astronom i shquar indian dhe anëtar i Xhematit Musliman Ahmedia. Ai kreu doktoraturën në Universitetin e Çikagos, botoi më shumë se 50 punime shkencore dhe shërbeu si profesor e drejtor i Qendrës së Studimeve të Avancuara në Astronomi në Universitetin Osmania të Hajderabadit. Formimi i tij shkencor i jep kësaj vepre një vlerë të veçantë në trajtimin e temës.

Libri ende nuk është botuar. Redaksia e webfaqes po sjell disa kapituj të tij për lexuesit. Për këtë arsye, libri në formatin PDF do të publikohet pasi të dalë botimi i shtypur.