Lutje e Profetit Muhammed a.s. për të qenë me të varfrit dhe rob i veçantë i Zotit
Lutje për të qenë me të varfrit
Hazret Ebu Hurejre r.a. tregon këtë lutje të të Dërguarit të Allahut s.a.v.s.:
All-llāhumme ahjinī miskīnen ve tevefennī miskīnen vahshurnī fī zumretil-mesākīni ve inne eshkal-eshkijāi men ixhteme‘ā ‘alejhi fakrud-dunjā ve ‘adhābul-ākhireti.
O Allah! Më mbaj gjallë të varfër. Më jep vdekje me të varfrit. Më ringjall me grupin e të varfërve. Pa dyshim, më fatligu është ai që mbledh edhe varfërinë e botës, edhe ndëshkimin e ahiretit.[1]
Lutje për t’u bërë rob i veçantë i Zotit të Madhërishëm
Delegacioni i Abdul-Kajsit (që kishte ardhur në Medinë nga Jemeni), tregon se ka dëgjuar të Dërguarin e Allahut s.a.v.s. duke bërë këtë lutje:
All-llāhumme exh‘alnā min ‘ibādikel-muntekhabīn el-gurril-muhaxh-xhelīn el-vefdil-mutekabbilīn.
O Allah! Na bëj prej robërve të Tu të zgjedhur, prej ballëndriturve, prej grupit të pranuar.[2]
Anëtarët e delegacionit tregojnë: “Kemi pyetur të Dërguarin e Allahut se cilët ishin robërit e zgjedhur? Ai na u përgjigj: Robërit e sinqertë e të dëlirë të Zotit dhe ballëndriturit janë ata që u shkëlqejnë gjymtyrët për shkak të abdesit, kurse grupi i pranuar përbëhet nga ata njerëz të këtij umeti, që do të paraqiten para Zotit bashkë me Profetin e tyre”.
Referencat
[1] Xhāmi‘u et-Tirmidhī, kitāb: “Ez-Zuhd”, bāb: “Mā xhāe enne fukarāel-muhāxhirīne jedkhulūnel-xhennete kablel-agnijāihim”, hadithi nr. 2352.
[2] Ahmed ibn Hanbel, “Musned”, vëllimi XXIX, botues: “Muessesetur-Risāle”, Bejrut 1419 h. / 1999, f. 368-369, hadithi nr. 17832.