Zyrtarë të Ambasadës së SHBA vizituan Qendrën e Xhematit Musliman Ahmedia në Kosovë

Më 28 shkurt 2024, Xhemati Musliman Ahmedia në Kosovë pati nderin të presë z. Dominic McIntyre, Zyrtar Politik për të Drejtat e Njeriut dhe znj. Raba Gjoshi, Këshilltare Politike për të Drejtat e Njeriut, nga Ambasada e Shteteve të Bashkuara të Amerikës, në Qendrën e Xhematit Musliman Ahmedia në Prishtinë.

Gjatë takimit pati shkëmbime të frytshme idesh dhe reflektime të thella mbi vlerat e përbashkëta dhe përfaqësuesit e Xhematit Musliman Ahmedia në Kosovë treguan rrugëtimin që nga takimi i tyre i fundit në vitin e kaluar. Gjithashtu u dha pasqyrë e shkurtër nga Tubimi Vjetor (Xhelsa Salana) i AMJ Kosova 2023. Biseda vazhdoi rreth pjesëmarrjes së delegacionit të Kosovës në Xhelsa Salanën e Gjermanisë 2023 dhe u paraqit shkurtimisht përkthimi më i ri i Kuranit të Shenjtë me koment të shkurtër në gjuhën shqipe. Zyrtarët nga Ambasada Amerikane u njoftuan edhe me aktivitetet e fundit në aspektin humanitar të Xhematit në qytetet e Kosovës. Temë diskutimi ishte edhe Xhelsa Salana e 11-të e AMJ Kosova që do të zhvillohet më 2024.

Veçanërisht u theksuan kontributet e rëndësishme të Kalifit të Pestë të Mesihut, Hazret Mirza Masrur Ahmedit (Allahu e ndihmoftë fuqimisht) në kauzën e paqes.

Në shenjë mirënjohjeje, zyrtarëve iu dhurua literaturë, duke përfshirë revistën rreth feve krahasuese “The Review of Religions” numri i dhjetorit 2023, i cili ka të bëjë ekskluzivisht me paqen dhe dialogun ndërfetar.

Në përfundim të takimit, z. McIntyre shprehu urime të përzemërta dhe shkroi në librin e vizitorëve, duke simbolizuar partneritetin ndërmjet Xhematit Musliman Ahmedia në Kosovë dhe Ambasadës së Shteteve të Bashkuara të Amerikës në Kosovë.