Kush është Xhemati Musliman Ahmedia?
Me emrin e Allahut, të Gjithëmëshirshmit, Mëshirëbërësit.
Nuk ka të adhuruar tjetër përveç Allahut, Muhammedi është i Dërguari i Allahut.
Muslimanët që besojnë se Hazret Mirza Ghulam Ahmedi a.s.,
është Imam Mehdiu dhe Mesihu i Premtuar.
Related Contents from Topics
Xhemati Ahmedia

Shpesh pyesin: Kush është Xhemati Musliman Ahmedia? Në këtë artikull, ju sjellim pikëpamjet e personaliteteve të shquara të Europës në lidhje me Xhematin Ahmedia. Për të ditur besimet e Xhematit Musliman Ahmedia, ju ftojmë të lexoni linkun që është dhënë në fund të këtij artikulli.

DIJETARËT E FEVE PËR XHEMATIN AHMEDIA

Prof Dr. Fil. Dr. rer.nat. Ina Wunn

Ligjëruese e studimeve fetare në Fakultetin e Shkencave Humane dhe Sociale në Universitetin e Hanoverit dhe në Universitetin e Bielefeld-it, me fokus të veçantë Islamin bashkëkohor, Islamin në Gjermani dhe Migrimin. Më 2006 ajo ishte themeluese e Fondacionit “Dr. Buhmann” për Mirëkuptimin Krishtero-Musliman dhe është autore e dhjetra botimeve me tematikë islame.

“Pavarësisht polemikave të rrepta të zhvilluara kundër një krishterimi në mënyrë agresive dhe prozelitiste[1] në Indi në shekullin XIX dhe rrymave të para nacionaliste neo-indiane, Hazret Mirza Ghulam Ahmedi refuzoi luftën e motivuar fetarisht si jo-islame, dhe, sikurse edhe pasardhësit e tij, ndoqi një metodë krejtësisht paqësore, kjo në kundërshtim të qartë me lëvizjet e rezistencës të motivuara në të njëjtën kohë fetarisht kundër sundimit kolonial britanik. Ai e pa Mehdizmin e tij si një mënyrë për të kryer thjesht një xhihad intelektual sipas hadithit “Ngjyra e penës së dijetarit është më e vlefshme se gjaku i dëshmorit.”

““Thyerja e kryqit” tregon hedhjen poshtë të besimeve të krishtera dhe mosmarrëveshjeve teologjike. Prandaj, ahmedianët janë gjithashtu të ashpër kundër faktit se apostazia apo lënia e fesë është një krim. Përkundrazi, ata nuk shohin asnjë bazë për ndëshkimin e tyre (apostatëve) në Islam dhe nga ana tjetër theksojnë lirinë absolute në çështjet e besimit.”

“Gratë ahmediane në Gjermani e shohin veten me të drejta të barabarta dhe të emancipuara, pa u detyruar të heqin dorë nga bindjet e tyre fetare. Në këtë kontekst, diskutimi i të drejtave të grave dhe çështjeve feministe është gjithashtu me interes për gratë ahmediane, të cilat nuk janë në kundërshtim nga njëra anë për sa i përket aktivitetit profesional dhe rritjes së fëmijëve, ose praktikimit të fesë së tyre në anën tjetër.”

[Die Ahmadiyya: Muslimische Gruppierungen in Deutschland. Wunn, Ina (Hg.), Stuttgart: W. Kohlhammer 2007. fq. 160-163.]

Dr. Silvia Kaweh

Ligjëruese e studimeve fetare dhe islame në Fakultetin Teologjik të Universitetit të Jenës. Ajo punon si orientaliste dhe autore librash me një përqendrim shkencor në filozofinë e fesë. Fushat kryesore të hulumtimit të saj përfshijnë grupe të ndryshme islame, media dhe përdorimi i tyre në lidhje me fenë islame në botë.

“Kur’ani [sipas mësimeve të Ahmedianëve; shënim i redaktorit] në vetvete është në përputhje me ligjet e shkencës dhe natyrës.”

“Apostazia, braktisja e fesë nuk dënohet me vdekje sipas tyre [Ahmedianëve; shënim i redaktorit]. Islami është fe e paqes, xhihadi (= “përpjekja në rrugën e Zotit”) kryhet duke u udhëhequr nga “armët e shpirtit”.

[Ahmadiyya: Handbuch der Religionen. Kirchen und anderer Glaubensgemeinschaften in Deutschland. Klöcker, Michael und Udo Tworuschka (Hg.). Grundwerk 1997. Landsberg am Lech: Olzog. vëllimi I, fq. 3.]

Manfred Backhausen

Ish-zyrtar i lartë, pedagog dhe ligjërues në qeveritë e rrethit të Këlnit dhe Dyseldorfit. Ai është autor i shumë librave mbi Islamin, studimet hebraike, gjenealogjinë dhe historinë rajonale. Ai merret me grupe islame dhe ka kryer hulumtime duke qëndruar në disa vende me ndikim fetar në të gjithë botën.

“Lëvizja Muslimane Ahmediane është e vetmja organizatë muslimane që nuk ka as krah politik dhe as militant.”

“Ata [Ahmedianët; shënim i redaktorit] promovojnë arsimin dhe shkencën dhe financojnë spitale të panumërta, stacione të ndihmës së shpejtë, shkolla, shkolla të mesme dhe universitete, veçanërisht në Azi dhe Afrikë.”

“Të rinjtë Ahmedianë marrin përsipër detyra sociale në lagjen e tyre. Në qytete të mëdha në Pakistan, për shembull, ekzistojnë brigada vullnetare zjarrfikësh nga të të rinjve Ahmedianë që shpesh shuajnë zjarret dhe ndihmojnë më shpejt se zjarrfikësit e qytetit.”

“Ata [Ahmeditë; shënim i redaktorit] gjithashtu predikojnë tolerancën fetare dhe paqen në botë…”.

“Përveç Judaizmit dhe Krishterimit, ata [Ahmeditë; shënim i redaktorit] gjithashtu pranojnë fetë e tjera me origjinë hyjnore dhe në këtë mënyrë njohin Budën, Krishnën, Konfuçin, Zoroastron dhe Lao-Tze[2]-në si profetë.”

“Një musliman mesatar Ahmedian shpesh di më shumë për Islamin sesa disa njerëz me arsim të lartë. Shkalla e analfabetizmit midis tyre është shumë më e ulët se ajo e pjesës tjetër të popullsisë.”

[Gill, I. und M. Backhausen: Die Opfer sind Schuld. Machtmissbrauch in Pakistan. Akropolis Verlag 1994, fq. 42-44.]

Prof. Dr. phil. Dr. theol. Peter Antes

Që nga viti 1973 profesor për studime fetare në Universitetin e Hanoverit. Fushat e tij të hulumtimit përfshijnë etikën islame, fetë dhe bashkësitë fetare në Evropën e sotshme. Nga viti 1988 deri më 1993 ai ishte President i Shoqatës Gjermane për Historinë e Feve (DVRG). Në vitin 2000 ai mori Kryqin e Meritës të Klasit të Parë të Urdhrit të Meritës të Saksonisë së Ulët. Nga 2000 deri më 2005 ai ishte President i të famshmes “Shoqata Ndërkombëtare për Historinë e Feve (IAHR)”.

Në një seancë dëgjimore në komitetin e ndërtimit në Hanover, ai hodhi poshtë Dr. Schröter dhe tha se puna e saj ishte joshkencore dhe me akuza të pabaza.

“Ahmediati në veçanti, që refuzohet nga shumica e muslimanëve, ka bërë një angazhim për demokracinë.”

[Gazeta “Hannoversche Neue Presse”, datë 19.06.2003]

Dr. Stephan Rosiny

Shkencëtar dhe konsulent i pavarur me fokus në Lindjen e Mesme dhe studimet islame. Nga viti 2000 deri në vitin 2006 ai punoi si asistent kërkimesh në Institutin për Studime Islame në “Free University”, Berlin. Ai gjithashtu kishte qëndruar për hulumtime në disa vende islame dhe ishte pedagog në universitete të ndryshme.

“Ne patjetër që nuk kemi të bëjmë me një grup të dhunshëm këtu. Ahmediati përshkruhet në literaturë, më tepër si një grup paqësor që interpreton Islamin si një fe paqësore.”

[Kanali televiziv: Rundfunk Berlin-Brandenburg, datë 13.04.2006]

Dr. Ursula Spuler-Stegemann

Ish-drejtoreshëe qeverisë, ligjëron historinë e fesë me fokus Islamin në Universitetin e Marburgut në departamentin e Teologjisë Protestante. Ajo ka qëndruar për qëllime studimi dhe kërkimi në vende të ndryshme islame dhe punoi si këshilltare e institucioneve të shumta politike.

“Ata [Ahmedianët; shënimi i redaktorit] hedhin poshtë dhunën dhe nuk janë militantë.”

[Gazeta “Frankfurter Neue Presse”, datë 05.02.2004; Gazeta“Frankfurter Rundschau”, datë 09.02.2004]

Prof. Dr. Mathias Rohe

Gjykatës pensionist në OLG (Gjykata e Lartë Rajonale), dijetar islam dhe avokat në Universitetin e Erlangen-Nuremberg. Ai është kryetar i Shoqërisë për Ligjin Arab dhe Islam dhe drejtor themelues i Qendrës për Islam dhe Ligj në Evropë në Universitetin e Erlangen-Nuremberg.

AA: Pedagogia Hiltrud Schröter e cilëson fenë [Ahmediatin; shënim i redaktorit] si anti-demokratike, anti-kristiane dhe antisemite. A jeni dakord me këtë?

Rohe: Jo, nuk është e vërtetë. Unë e konsideroj punën e zonjës Schröter si shkencërisht të dyshimtë. Është pikërisht kjo lëvizje fetare që përpiqet të zhvillojë një doktrinë që i afrohet komuniteteve të tjera fetare dhe promovon marrëdhënie paqësore me ta.

AA: Dijetari fetar Peter Antes kundërshton Znj. Schröter, sepse Ahmediati në veçanti kanë bërë një angazhim për demokracinë. Çfarë mendoni ju?

Rohe: Ai njeri ka të drejtë.

[Intervistë për gazetën “Augsburger Allgemeinen”, datë 19.01.2008]

POLITIKANËT, MBROJTJA E KUSHTETUTËS, PËRFAQËSUESIT E KISHËS PËR XHEMATIN AHMEDIA

Olaf Scholz

Anëtar i Bundestagut Gjerman, Ministër Federal për Punë dhe Çështje Sociale (në pension), kryetar i SPD në Hamburg, nënkryetar i grupit parlamentar dhe që prej 13 nëntorit 2009 nënkryetar federal i SPD.

“Xhemati Musliman Ahmedia gjeti një vend të përhershëm në Gjermani në fillim të historisë së tij: në Berlin në vitet 1920 dhe më pas, pas luftës, fillimisht në qytetin tim të lindjes në Hamburg. Shumë anëtarë (të Komunitetit) kanë gjetur strehë nga persekutimi dhe margjinalizimi në Republikën Federale. Ne ndajmë bindjen se ruajtja e dinjitetit njerëzor duhet të jetë udhëzuesi për të gjitha veprimet në çdo kohë. Ne jemi të përkushtuar bashkërisht për mbrojtjen e pakicave dhe për parimin e përgjithshëm të barazisë. Në 60-vjetorin e Republikës Federale të Gjermanisë, Xhemati Ahmedia e riafirmoi këtë dhe falënderoi shtëpinë e re për një jetë në liri dhe të sigurt. Ky falënderim është mbi të gjitha një çmim që ju bën edhe juve krenarë. Duke ilustruar Islamin si një fe të tolerancës dhe paqes, ju do të ndihmoni në mposhtjen e paragjykimeve. Ata japin një kontribut vendimtar për bashkëjetesën e mirë në vendin tonë. Integrimi ka nevojë për modele. Përfaqësuesit e Xhematit Ahmedia janë shembuj të tillë. (…) Unë jam i kënaqur që ne me Komunitetin Ahmedia kemi një partner të tillë që lufton me ne për tolerancë, dialog të vazhdueshëm dhe mirëkuptim të ndërsjellë. (…)

Olaf ScholzMinistri gjerman Olaf Scholz gjatë një takimi me Xhematin Musliman Ahmedia të Gjermanisë, 18 korrik 2009

[Fjalë përshëndetëse me rastin e tubimit vjetor të Xhematit Musliman Ahmedia, 16 Gusht 2009]

Burkhardt Müller-Sönksen

Anëtar i Bundestagut Gjerman që nga viti 2005, duke përfshirë zëvendës-anëtar i Komitetit për të Drejtat e Njeriut dhe Ndihmës Humanitare dhe Komitetit për Bashkëpunim Ekonomik dhe Zhvillim.

“… Si një komunitet i reformës islame, ju theksoni vlera të tilla si mëshira dhe drejtësia. Ju gjithashtu jeni të përkushtuar për barazinë midis burrave dhe grave, si dhe ndarjen e fesë nga shteti. Duke vepruar kështu, ju jepni një kontribut të rëndësishëm në integrim. Kjo gjithashtu tregon karakterin liberal dhe progresiv të Xhemetit Musliman Ahmedia në Gjermani. Për mua si aktivist për të drejtat e njeriut, këto pohime janë një kënaqësi e madhe. FDP është shumë mirënjohëse për angazhimin tuaj. Ne i kushtojmë shumë respekt angazhimit tuaj të palodhur për bashkëjetesë paqësore në Gjermani – pavarësisht nga kultura, origjina, ngjyra e lëkurës ose feja…

[Fjalë përshëndetëse me rastin e tubimit vjetor të Xhematit Musliman Ahmedia, 14 Gusht 2009]

Claus Guggenberger

Zëdhënësi i Senatorit të Berlinit për Çështjet Ekonomike dhe Zyres për Mbrojtjen e Kushtetutës.

“Mbrojtja e Kushtetutës në Berlin “nuk ka të dhëna për ndonjë përpjekje ekstremiste nga ky komunitet.”

[Gazeta “Berliner Zeitung”, datë 14.03.2006]

“Autoritetet nuk kanë gjetur shkelje nga Ahmediati përmes akteve të dhunshme ose propagandës agresive.”

[Gazeta “Berliner Zeitung”, datë 26.04.2006]

Dr. Günter Kruchen

Kryetar i trupit gjykues në Gjykatën Administrative Wiesbaden në Hesse.

“Sipas kësaj, është një grup që ishte joproblematik për popullatën gjermane [Ahmediati; shënim i redaktorit]. Sipas përvojës së tij, këta njerëz janë paqësorë dhe të rregullt.”

[Agjensia e Lajmeve Kinzigtal-Nachrichten, datë 26.02.2002]

Lothar Mark

Anëtar i Bundestagut Gjerman, që nga viti 2000 përfaqësues i grupit parlamentar të SPD për Amerikën Latine dhe Karaibet.

“Komuniteti Ahmedia në veçanti është një shembull pozitiv i një konfesioni Islam që mund të harmonizohet mirë me vlerat themelore të hapjes ndaj botës dhe paqes.”

[Gazeta “Mannheimer Morgen”, datë 25.08.2004]

Claudia Schmid

Që nga viti 2001 shefe e Zyres Shtetërore të Berlinit për Mbrojtjen e Kushtetutës, nga viti 1990 deri më 2000, deputete e Komisionerit të Berlinit për Mbrojtjen e të Dhënave dhe Inspektimin e Dosjeve. Përgjegjëse për shtypin dhe marrëdhëniet me publikun, shefe e divizionit “qytetarët dhe publiku”, si  dhe kontrolli i mbrojtjes së kushtetutës.

“Ne e konsiderojmë komunitetin as ekstremist dhe as të dhunshëm, por më tepër paqedashës.”

[Gazeta “Die Welt”, datë 20.04.2006]

“Është një lëvizje misionare konservatore që gjithmonë ka folur kundër dhunës.”

[Radio Berlin-Brandenburg, datë 22.04.2006]

Alexander Götz

Kryetar i qarkut i SPD Berlin-Nordost, anëtar i komitetit për shëndetësi, punë dhe çështje sociale dhe nënkryetar i komitetit për financa, menaxhim të pasurive të patundshme dhe personel.

Ai shpjegon se “nuk korrespondon me bindjet e SPD-së që të ngrihet pro ose kundër një komuniteti fetar dhe punës së tij. Kjo është e ndaluar për sa kohë që një grup është në harmoni me ligjin dhe rendin, si dhe parimet e rendit themelor demokratik të lirë. Sipas Senatorit të Brendshëm të qyteteve dhe komunave të tjera, të dyja këto vlejnë për Komunitetin Ahmedia. Deri më tani nuk ka asnjë provë për të rishikuar këtë vlerësim.”

[Njoftim për shtyp i SPD Berlin-Nordost, datë 04.04.2006]

Holger Haibach

Që nga viti 2002 anëtar i Bundestagut, nënkryetar i komitetit për të drejtat e njeriut dhe ndihmë humanitare, anëtar i bordit këshillimor parlamentar të Fondacionit Gjerman për Popullsinë Botërore.

Holger Haibach në lidhje me ndërtimin e xhamisë së Xhematit Ahmedia në Usingen tha se kjo xhami në veçanti ishte një shembull i mirë se si një projekt i tillë mund të bëhet në përputhje reciproke me të gjithë ata që janë të përfshirë. Sulmi ndaj xhamisë [së Xhematit Ahmedia; shënim i redaktorit] një ditë para Krishtlindjes dha një imazh të keq sepse Xhemati Ahmedia i përmbahet mësimeve të ndritura dhe përparimtare të fesë islame.

[Gazeta “Frankfurter Neue Presse”, 28.12.2004]

Marlis Wanjura

Kryetare e Qarkut në Reinickendorf-Berlin.

“Anëtarët e Komunitetit Musliman Ahmedia janë shumë gjithëpërfshirës.”

Kryebashkiakia Marlies Wanjura e qarkut Reinickendorf raporton se nuk ka pasur kurrë ndonjë problem, as për shkak të agjitacionit ekstremist, as për shkak të deklaratave që cenojnë dinjitetin njerëzor, as për shkak të sulmit. Përkundrazi, politikania e CDU-së raporton se:

“Komuniteti gjithmonë merr pjesë në takime me konfesione të tjera.”

[Gazeta “Berliner Morgenpost”, datë 06.04.2006]

Eberhard Gutjahr

Teolog, pastor që nga viti 1970 deri më në 1994 në Britz, në Rrethin e Kishave Ungjillore të Neukölln. Që nga viti 1994 ai ka qenë mbikëqyrës dhe kryetar i këshillit të kishës protestante në Seggeluchbecken në Berlin-Reinickendorf.

“Unë e njoh Komunitetin Musliman Ahmedia për vite me radhë dhe nuk mund ta kuptoj bujën dhe shqetësimin në famullinë Weissensee.”

[Gazeta “Berliner Morgenpost”, datë 23.04.2006]

Dr. Jürgen Mantell

Drejtori i Zyrës së Qarkut Hamburg-Eimsbüttel përgëzon Komunitetin Ahmedia për 50-vjetorin e Xhamisë Fazle-Omar dhe thekson tolerancën dhe paqen e dukshme të komunitetit duke thënë:

“Si shef i zyrës së rrethit, unë jam i kënaqur që ka institucione që janë rritur në rrethin tonë, të tilla si Xhamia Fazle-Omar e komunitetit fetar Ahmedia, e cila qëndron për tolerancën, bashkëjetesën e kulturave dhe feve dhe mbështet anëtarët për të kontribuar në mënyrë konstruktive për jetesën në Eimsbüttel.”

[Fjalë përshëndetëse për 50-vjetorin e Xhamisë “Fazle-Omar”, datë 22.06.2007]

Maria Jepsen

Që nga viti 1992 peshkope e Hamburgut në Kishës Luterane Ungjillore e Elbianit Verior dhe që nga viti 2003 anëtare e Këshillit të Federatës Botërore Luterane. Ajo përgëzon komunitetin Ahmedia për 50-vjetorin e Xhamisë Fazle-Omar dhe thekson qëllimin e përbashkët për ruajtjen e paqes:

“Lum ata që bëjnë paqe; sepse ata do të quhen bij të Zotit (Ungjilli sipas Mateut, kapitulli 5, vargu 9). Me këtë fjali të Jezusit unë përshëndes Xhematin Musliman Ahmedia në 50-vjetorin e Xhamisë Fazl-e Omar. Është në interesin tonë të sjellim paqe për motive të ndryshme fetare, por me përgjegjësinë e përbashkët si njerëz të qytetit tonë dhe botës. Le të mbetemi kurreshtarë për mendimin ndryshe të të tjerëve dhe të ecim së bashku në rrugën e paqes, kjo është ajo që unë uroj për ne.”

[Fjalë përshëndetëse për 50-vjetorin e Xhamisë “Fazle-Omar”, datë 22.06.2007]

Ole von Beust

Kryetari i parë i Freien Hansestadt, Hamburg që nga viti 2001 dhe President i Këshillit Federal që nga viti 2007. Ai përgëzon Komunitetin Ahmedia për 50-vjetorin e Xhamisë Fazle-Omar:

“Ju ishit atje dhe jeni akoma, sepse i përkisni një komuniteti fetar unik musliman. Ju luajtët një rol të veçantë. Unë mendoj se nga një pozitë e tillë ju keni treguar në mënyrë mbresëlënëse një ndjeshmëri të veçantë duke përfshirë një aftësi të veçantë për mirëkuptim dhe tolerancë. Dua ta shpreh vlerësimin tim për juve… Hamburgu si një qytet kozmopolitan dhe liberal varet nga burrat dhe gratë që janë me vullnet të mirë, të gatshëm të qëndrojnë për këto vlera dhe të dinë se komuniteti i Xhamisë Fazle-Omar gjithashtu do të japë kontributin e tij.”

[Fjalë përshëndetëse për 50-vjetorin e Xhamisë “Fazle-Omar”, datë 22.06.2007]

Mohammad Ali Mirkhani

Konsull i Përgjithshëm iraniani Hamburgut në 50-vjetorin e xhamisë Fazle-Omar:

“Për 50 vjet ky komunitet është përpjekur të përhapë idenë e vërtetë islame.”

[Gazeta “Hamburger Abendblatt”, datë 19.06.2007]

Detlef Dzembritzki

Anëtar i Bundestagut që nga viti 1998 dhe Kryetar i nënkomitetit “Kombet e Bashkuara” të Komitetit të Punëve të Jashtme të Bundestagut Gjerman që nga viti 2005. Nga 1989 deri më 1995 ai ishte Kryetar i Bashkisë Reinickendorf-Berlin.

“Komuniteti në Reinickendorf ka qenë duke kultivuar fqinjësi të mirë për vite me radhë dhe ka një miqësi të ngrohtë.”

[Gazeta “Der Tagesspiegel”, datë 03.01.2007]

POLITIKANËT E HUAJ PËR XHEMATIN AHMEDIA

Stephen Harper

Kryeministër i Kanadasë që nga viti 2006 dhe Kryetar i Partisë Konservatore të Kanadasë që nga viti 2003.

“Ahmeditë janë të njohur për përkushtimin e tyre ndaj paqes, vëllazërisë universale dhe nënshtrimit ndaj vullnetit të Zotit, parimet thelbësore të Islamit të vërtetë. Ata janë gjithashtu të njohur sepse punojnë së bashku për t’i shërbyer së mirës përmes iniciativave sociale, shëndetësore dhe arsimore, kudo që ata jetojnë në botë. Ahmeditë janë të njohur për pjesëmarrjen në komunitetin më të madh dhe bashkëjetesën paqësore me njerëz të të gjitha besimeve, gjuhëve dhe kulturave.”

[Calgary, 07.06.2008 – CNW; www.newswire.ca]

“Ne veçanërisht e përshëndesim Kalifin [kryetarin e Xhematit Musliman Ahmedia; shënim i redaktorit] për denoncimin e atyre që shtrembërojnë besimin duke e pretenduar atë si një justifikim të dhunës. Kalgarianët, Albertanët dhe Kanadezët do të shohin fytyrën e moderuar, dashamirëse të Islamit në këtë xhami dhe njerëzit që kryejnë adhurimet këtu. Ata do të shohin dashurinë tuaj për Kanadanë dhe patriotizmin tuaj dhe do të shohin se ashtu si Ahmedianët kanë përqafuar Kanadanë, Kanadaja ju ka përqafuar.”

Stephen HarperIsh-kryeministri i Kanadasë, Stephen Harper dhe Hazret Mirza Masrur Ahmedi (Kalifi aktual i Xhematit Musliman Ahmedia

[Calgary, 07.06.2008 – CNW; www.newswire.ca]

John Agyekum Kufour

Kryetar i Ganës.

“Njerëzimi duhet të luftojë armiqtë e përbashkët si uria, lufta dhe sëmundjet. Presidenti përgëzoi Xhematin Musliman Ahmedia për të marrë drejtimin në këtë luftë përmes formimit të skemave humanitare të cilat kanë çuar në krijimin e shkollave, objekteve shëndetësore dhe gjithashtu aktivitete të ndihmës nga katastrofat.”

John Agyekum KuffourHazret Mirza Masrur Ahmedi dhe kryetari i Ganës John Agyekum Kufour, Ganë 2004

[Gambia News Community, datë 30.05.2008 – www.wow.gm]

Alhaji Aliu Mahama

Nënkryetar i Ganës.

“Ai theksoi disa prej shumë aktiviteteve pozitive që Xhemati ishte përfshirë në të gjithë vendin, veçanërisht në fushat e bujqësisë, arsimit dhe shëndetësisë. Ai gjithashtu lavdëroi angazhimin e treguar nga Xhemati për të bashkëpunuar me besime të tjera për përparim dhe zhvillim.”

[Daily Observer Gambia, datë 27.05.2008]

Tony Colman

Nga viti 1997 deri më 2005 anëtar i Parlamentit Britanik për Putney, Londër. Ai është anëtar i Këshillit Botëror për të Ardhmen që nga viti 2006.

“Ju [Ahmeditë; shënim i redaktorit] jeni një fe shumë fisnike, të cilën shpresoj se bota do ta kuptojë dhe gjithnjë e më shumë po kuptojnë, dhe është e rëndësishme që ato që po thoni të dëgjohet.”

Tony ColmanHazret Mirza Tahir Ahmedi (Kalifi i Katërt i Xhematit Musliman Ahmedia) dhe Tony Colman

[Tubimi vjetor (Xhelsa Salana) i Britanisë së Madhe, 29.07.2005]

Thomas Michael Cox

Anëtar i Parlamentit, Mbretëria e Bashkuar, nga viti 1970 deri më 2005.

“Shoqëria ime dhe dashuria ime për Ahmediatin ka ekzistuar për shumë vite dhe do të vazhdojë gjithmonë… Në çdo kontinent të botës, ekziston Komuniteti Ahmedia që ndjek besimet e tij fetare – dhe satë nderuara, dhe çfarë besimesh të bukura që janë! Sepse ato besime janë mbi tolerancën, mirëkuptimin, miqësinë, dhembshurinë.”

[Tubimi vjetor (Xhelsa Salana) i Britanisë së Madhe, 2003]

Eric Reginald Lubbock, Baroni i 4-rt i Avebury-t

Anëtar i Parlamentit, Mbretëria e Bashkuar nga viti 1962 deri më 1970. Anëtar i Liberal Demokratëve që nga viti 1999.

“Ahmeditë janë një komunitet bujar, jo vetëm me paratë e tyre, por me dhuratën falas të kohës dhe ekspertizës së tyre për njerëzit që janë me më pak fat se ata.”

[Tubimi vjetor (Xhelsa Salana) i Britanisë së Madhe, 2003]

“Unë besoj se Xhemati Musliman Ahmedia ka një rol të rëndësishëm për të përçuar vlerat jo vetëm tek njerëzit këtu në këtë komunitet në Merton apo edhe vetëm në Britani por edhe në ato vende ku Ahmediati vazhdimisht po rritet”. “Kompleksi i xhamisë i cili është më i madhi në Evropë, jo vetëm që ofron lehtësi unike për komunitetin në zgjerim të muslimanëve ahmedianë por ajo na kujton neve vlerat e civilizuara dhe humane të Islamit që muslimanët ahmedianë propagandojnë. Ne falënderojmë të gjithë komunitetin për kontributet e jashtëzakonshme që ata kanë dhënë në pasurimin e shoqërisë sonë dhe shoqërisë së botës në përgjithësi.”

Eric Reginald LubbockLord Eric Avebury duke marrë çmimin e Paqes nga Hazreti Khalifatul Masih V (Allahu e ndihmoftë fuqimisht), 2009

[Ceremonia e hapjes së Xhamisë Baitul Futuh në Morden, Londër, 14.10.2003]

Paul Martin Jr.

Ish-Kryeministër i Kanadasë, 2003-2006.

“Gjatë viteve unë kam qenë i kënaqur që kam marrë pjesë në ngjarjet e organizuara nga Komuniteti Musliman Ahmedia në xhaminë e tyre në Maple, Kanada. Unë e kuptoj që xhamia Baitul Futuh është madhështore dhe xhamia më e madhe në Evropën Perëndimore. Urimet e mia më të mira janë për të gjithë ju.”

[Ceremonia e hapjes së Xhamisë Baitul Futuh në Morden, Londër, 14.10.2003]

Emma Nicholson, baronesha Nicholson e Winterbourne-t

Anëtaree Parlamentit Evropian, anëtare e aristokracisë angleze, anëtare e Dhomës së Lordëve dhe anëtare e Liberal-Demokratëve.

“Ju [Ahmeditë; shënim i redaktorit] keni një mesazh, ju lutemi, ndihmoni pjesës tjetër të botës ta kuptojë dhe ta japë atë mesazh gjithashtu. (…) Dhe shpresoj që me ndihmën tuaj, të gjithë të kenë një mundësi për sukses, prosperitet dhe lumturi.”

[Tubimi vjetor (Xhelsa Salana) i Britanisë së Madhe, 30.07.2005]

Jack Straw

Nga viti 2001 deri më 2006 Sekretar i Shtetit për Anglinë në qeverinë e Tony Blair. Lord Kancelar dhe Ministër i Drejtësisë në qeverinë e Gordon Brown që nga viti 2007.

“Dëshiroj të them se arsyeja se pse jam i kënaqur që jam këtu, është qënë emrin tim si dhe në emër të qeverisë, të ndaj respektin e madh që kemi ne të gjithë për punën dhe angazhimin tuaj ditë për ditë për të realizuar paqen dhe vëllazërimin në të gjitha Komunitetet në këtë vend dhe në të gjithë botën.”

[Pritja e Njëqindvjetorit të Kalifatit në “Queen Elizabeth Centre”, Londër, datë 06.10.2008]

LEXONI:


[1] Prozelitizmi është vendosmëri ose padurim me të cilin një person ose një institucion përpiqet të bindë njerëzit e tjerë të ndjekin ose mbështesin një kauzë, doktrinë, ideologji ose fe.
[2] Shkruhet edhe si: Lao-Ce, Lao-Tzu dhe Laozi, fjalë kineze që ka kuptimin: “Mjeshtri i vjetër”.

Shpërndaje
Na kontaktoni ne Whatsapp :)
Shtypni këtu ju lutemWhatsApp