SHBA: Gati për inaugurim tri xhami të reja
Me emrin e Allahut, të Gjithëmëshirshmit, Mëshirëbërësit.
Nuk ka të adhuruar tjetër përveç Allahut, Muhammedi është i Dërguari i Allahut.
Muslimanët që besojnë se Hazret Mirza Ghulam Ahmedi a.s.,
është Imam Mehdiu dhe Mesihu i Premtuar.

Udhëheqësi i Xhematit Musliman Ahmedia mbërrin në ShBA

Hazret Mirza Masrur Ahmedi u mirëprit nga 2000 muslimanë ahmedianë

Udhëheqësi botëror dhe Kalifi i Pestë i Xhematit Musliman Ahmedia, Hazret Mirza Masrur Ahmedi mbërriti në xhaminë “Bejtur Rahman” në Silver Spring, Maryland më 15 tetor. Shenjtëria e tij u përshëndet nga rreth dy mijë muslimanë ahmedianë, të cilët ishin mbledhur në selinë kombëtare të Xhematit Musliman Ahmedia të ShBA-ve për ta mirëpritur Udhëheqësin e tyre shpirtëror.

Muslimanët ahmedianë ishin mbushur me gëzim duke mirëpritur Shenjtërinë e tij, i cili nisi turneun e tij të katërt në ShBA që nga zgjedhja a tij si kalif në 2003. Para këtij turneu, ai ka vizituar ShBA në 2008, 2012 dhe 2013.

Shenjtëria e tij ka mbërritur në ShBA duke udhëtuar direkt nga Londra. Menjëherë pas mbërritjes në xhaminë “Bejtur Rahman”, Shenjtëria e tij udhëhoqi namazin e akshamit dhe jacisë.

Më 16 tetor 2018, Shenjtëria e tij bëri inspektimin e ambientit të xhamisë Bejtur Rahman. Ai gjithashtu inspektoi “Masroor Teleport” të MTA International, i cili është rinovuar kohët e fundit dhe udhëhoqi një lutje të heshtur.

Gjatë inspektimit, Shenjtëria e tij gjithashtu vizitoi zyrat administrative dhe kuzhinën (Langar Khana) në Bejtur Rahman si dhe takoi vullnetarët të cilët po kryejnë detyra të ndryshme në këtë periudhë.

Gjatë këtij turneu, Shenjtëria e tij do të përurojë tri xhami dhe do të takojë personalitete dhe zyrtarë të vendit si dhe mijëra muslimanë ahmedianë.

Comments are closed.

Related Contents from Topics
Shpërndaje
Na kontaktoni ne Whatsapp :)
Shtypni këtu ju lutemWhatsApp