Сьерра-Леондун Порт-Локо аймагындагы мечиттин ачылышы жана «Омийн» аземи

Алла Тааланын берешендиги менен 2021-жылдын 4-апрелинде Сьерра-Леонедеги Жамаатыбыз Порт-Локо аймагындагы Мафорки жергесинде жаңы мечиттин ачылышына жетишти. Бул үчүн Аллага чексиз мактоолор болсун. Ачылуу менен «Омийн» аземи дагы өткөрүлдү. Бул программалардын кыскача отчёту окурмандарга сунуш кылынат:

Мафукидеги Жамаатыбыздын ушул мечитинин пайдубалынын алгачкы ташын Порт-Локо аймагынын үгүтчүсү, улуу урматтуу Сафийр Ахмад мырза 2020-жылдын август айында койгон жана ошол киши анын курулуш иштерин көзөмөлдөө бактысына ээ болгон. Мечиттин үстү жабылган бөлүгү 54×37 футту түзүп, 350 адам намаз окуй алат. Мечиттин курулушуна 76 миллион леон сарпталган жана бул чыгымдардын бардыгын британиялык урматтуу Тахир Мансур Ажмал мырза төлөгөн.

فجزاہ اللہ احسن الجزاء

Ачылуу жана «Омийн» аземи саат он бирде Ыйык Куранды окуу менен башталып, андан кийин сыйлуу коноктор тааныштырылды. Сьерра-Леонедеги Жамаатыбыздын Амири жана миссионерлердин төрагасы урматтуу Саъийд-ур-Рахман мырза Порт-Локо аймагындагы ар кайсы жамаатарынан Ыйык Куранды биринчи жолу аяктагандардан Ыйык Куранды угуп, аларга сертификаттарды тапшырды. 31 эркек жана кыз бала Куран Каримди биринчи жолу бүтүрүү бактысына ээ болушту.

Урматтуу Амир Сахиб өз кайрылуусунда Жамааттын келгендиги, Сьерра-Леонго Жамааттын биринчи дааватчысынын бул жерге жүз жыл мурун кантип келгендиги жана ушул жүз жылдык аралыгында Ахмадия Мусулман Жамааты кандайча ушул жердеги мусулмандарда кезиккен бидъаттарды жок кылып, аларды чыныгы Ислам менен тааныштырды жана ар кандай кыйынчылыктарга жана каршылыктарга туруштук берди.

Ал лентаны кесип, мечитти расмий түрдө ачып, дуба кылдырды. Дубадан кийин мечитте жамаат менен пешин намазы окулду. Намаздан кийин катышкандарга тамак берилди.

Бул куттуу аземге Мафуки аймагынын башкы регенти (Regent), Порт-Локо аймагынын башкы регенти, Жогорку Кеңештин депутаты, Порт-Локо шаарынын мэринин орун басары, Порт-Локо районун СДОнун орун басары, жергиликтүү Кеңештин депутаты, Мафуки аймагынын башкы имам-хатиби, Порт-Локонун эски мечитинин башкы имам-хатиби, Мафуки Имамдар Кеңешинин башкы имам-хатиби, «Башария» мечитинин башкы имам-хатиби жана 20 жамааттын аялдары, эркектери жана балдары менен бирге 390 тууган катышышты.

Алла Таала бул мечитти түбөлүккө чыныгы сыйынуучулар менен абат кылсын. Омийн

(Репортажды даярдаган: Абдул-Хаадий Курайший – «Эл аралык Ал-Фазл» газетасынын Сьерра-Леонеге болгон корреспонденти)