СЕНЕГАЛДЫН «КАФРИН» АЙМАГЫНДА АХМАДИЯ МЕЧИТИНИН АЧЫЛЫШЫ

Аллах Тааланын колдоосу менен Сенегалдагы Ахмадия Мусулман Жамааты Кафрин аймагындагы «Кере Аали» айылында мечит курууга жетишти.

Худдамдар (б.а. 15 жаштан 40 жашка чейинки Ахмадий мусулман жаштары) жана Атфаалдар (б.а. 7 жаштан 15 жашка чейинки Ахмадий мусулман балдары) бул мечиттин курулушуна жакшы катышкан. Мечиттин курулушун жергиликтүү үгүтчү-дааватчыбыз Мужибур Рахман мырза көзөмөлдөгөн. Мечиттин туурасы сегиз метр, узундугу тогуз метр. Мечиттин чатырына эки кооз мунара жана бир күмбөз курулган. Мечиттин ичи 120 кишиге намаз окууга ылайыкталган.

2023-жылдын 16-июнунда Сенегалдагы Ахмадия Мусулман Жамаатынын Амири Насир Ахмад Сидху мырза лентаны кесип, мечиттин ачылыш аземин өткөрдү. Бул учурда Сенегал өкмөтүнүн өкүлдөрү, анын ичинде аймактын префекти, мэрдин орун басары жана полициянын башчысынын орун басары да катышышты. Ачылыш аземин чагылдыруу үчүн радио өкүлдөрү да келип, радио уктуруу үчүн программаларды жана интервьюларды жаздырышты.

Ачылыш аземинен кийин Улуу Урматтуу Амир жума кутбасында адамдарга мечиттерди куруунун максаттары, чыныгы мусулмандын өзгөчөлүктөрү жана Ахмадия Мусулман Жамаатын түзүүнүн максаттары тууралуу айтып берди. Буга дагы сегиз айылдын лидерлери жана имам-хатибдери, андан тышкары 370 адам, анын ичинде эркектер, аялдар жана балдар катышышты. Жума намаздан кийин бардык конокторго тамак тартылды.

(Баяндоону даярдаган: Хафиз Мусаввир Ахмад Музаммил, эл аралык «Аль-Фазл» газетасынын Сенегалдагы кабарчысы)