Кениянын Момбаса аймагындагы Мвакижембе шаарында курулган мечит

Сүйүктүү Пайгамбарыбыз (саллаллааху алайхи ва саллам) Аллах үчүн мечит салгандарга бейиштин сүйүнчүсүн айткан. Ошол сыяктуу, ушул доордогу Масийх жана Махдий (алайхиссалам) мечиттерди Исламды жайылтуунун булагы деп жарыялаган. Бүгүнкү күндө Ахмадия Мусулман Жамааты Исламды жайылтуу жана Алла Тааланын Жалгыздыгын орнотуу үчүн бүткүл дүйнөдө мечиттерди курууга аракет кылууда. Мвакижембенин мечити дагы ушул эле чынжырдын звеносу.

2010-жылы кээ бир адамдар Момбасадан 100 км түндүк-батыштагы Мваки Жамбеде байъат (ант) берип, Ахмадия Мусулман Жамаатына кошулушкан. Бул жерде Жамаатыбыз түзүлгөндө, Жамаат мүчөлөрүнүн таалим-тарбиясы үчүн мечиттин зарылдыгы сезилип, ал үчүн жергиликтүү туугандарыбыз урматтуу Роча Матиндо жана Ниамави Матандо мечитке бир гектар жер бөлүп беришкен, анын үстүнө 2010-жылы эки бөлмөлүү ылайдан мечит курулган. Бир бөлмөдө эркектер, экинчи бөлмөдө аялдар намаз окушчу. Убакыттын өтүшү менен мейкиндик кыскарып, жаңы кенен мечиттин зарылчылыгы сезилди.

Ошентип, 2019-жылдын август айында жергиликтүү бир араб тууганыбыз ошол эле участокто жаңы мечит куруп, аны кийинчерээк дагы бир чын ыкластуу Ахмадий тууган чоң чыгым менен куруп бүтүргөн. Аллах Тааланын ырайымы менен бул мечит 2020-жылдын сентябрь айында курулуп бүттү. Бул мечиттин курулуш иштери мага тапшырылган болчу.

Бул кооз мечит 1360 чарчы метрди камтыйт. Анын эки залы бар, анда эки жүздөн ашуун сыйынуучуга орун бар. Ушундай эле, жуунуучу жай, даараткана жана суу ж.б. сыяктуу негизги шарттар дагы камсыздалган. Аллах Таала ушул мечитти сыйынуучуларга толтуруп, көпчүлүккө туура жол көрсөтүп, жарыктын мунарасы болсун деп дуба кылабыз.

(Репортажды даярдаган: Башарат Ахмад Тахир – Кениянын Момбаса шаарында кызмат кылып жаткан Жамаатыбыздын дааватчысы)