Жамаат намаздары үчүн жыйырма жети эсе көп сооп

Жамаат менен намаз окуу – бул Исламдын негизги буйругу. Бул тууралуу Ыйык Куранда аябай басым жасалган жана хадистерде дагы көптөгөн рабаяттар бар, Сүйүктүү Пайгамбарыбыз Мухаммад (саллаллааху алайхи ва саллам)дын белгилүү хадисинде мындай деп айтылган:

عَنْ عَبْدِ اللَّهِ بْنِ عُمَرَ، أَنَّ رَسُوْلَ اللَّهِ صَلَّى اللّٰه عَلَيْهِ وَسَلَّمَ قَالَ ’’صَلاَةُ الْجَمَاعَةِ تَفْضُلُ صَلاَةَ الْفَذِّ بِسَبْعٍ وَعِشْرِينَ دَرَجَةً‘‘

(Сахих Аль–Бухарий, Китаабул-Азан, Баабу Фазли Салаатил–Жамааъти, 645-хадис)

Котормосу: Азирети Абдулла бин Умар (разияллааху анху)дан Пайгамбарыбыз (саллаллааху алайхи ва саллам)дын: «Жамаат менен намаз окуу жалгыз окулган намаздан жыйырма жети пайыз жогору», – деп айткандыгы риваят кылынат.

Азирети Аллама Ибн Хажар Аскаланий (рахимахуллах) өзүнүн «Фатх аль-Барий Шарх Сахих Бухарий» китебинде бул хадисти чечмелеп, жамаат намаздарында сооп көбүрөөк болуунун төмөнкүдөй 27 себебин жазган:

1. Азанчынын чакырыгын угуу менен ниет кылуу.
2. Эӊ алгачкы убакытта баруу.
3. Шашылбай ыңгайлуу басып баруу.
4. Дуба окуп жатып, мечитке кирүү.
5. Мечитке киргенден кийин эки рекет нафл намазын окуу.
6. Жамаат намазын күтүү.
7. Аллахтын периштелеринин ал үчүн ырайым сурап дуба кылуусу.
8. Анын ага күбө болуусу.
9. «Кад кааматис-Салаат» чакыруусун аткарууга мүмкүнчүлүк алуу.
10. Шайтандан сактануу.
11. Имамдын такбийрин күтүү.
12. Саптардын түзүлүшүнө катышуу.
13. Имамга моюн сунуу жана анын зарылчылыгын билүү.
14. Адатта имамдын айынан каталардан сак болуу.
15. Имам унутканда, «Субхаан-Аллах» деп кулактандыруу.
16. Жалынып-жалбаруу маанайына катышуу.
17. Жамаатка катышкандыгы үчүн өзүнүн кийим-кечеги жана сырткы көрүнүшүн жакшы кармоого умтулуу.
18. Периштелерге жакындоо.
19. Периштелердин окулушунан пайда алуу.
20. Исламдын ураанын сыртынан орнотуу мүмкүнчүлүгү.
21. Шайтандык азгырууларга каршы күрөшүү жана башкаларды үндөөгө себепчи болуу.
22. Эки жүздүүлүктөн сактануу.
23. Башкалардын ушактоосунан сактануу.
24. Жамааттын жана периштелердин «оомийинине» шерик болуу.
25. Жамааттын жалпы дубасынан жана батасынан пайда алуу.
26. Жамаат системасын орнотууга жардамчы болуу.
27. Бири-бири менен сүйүү жана гармония түзүү, ошондой эле жамаат мүчөлөрүнүн ал-ахвалын билүү мүмкүнчүлүгүнө ээ болуу.

(Азирети Саййид Зайн–ул–Аабидин Валиюллах Шах Сахиб которуп-чечмелеген «Сахих Аль–Бухарий», II том, 46-47-беттен көчүрүлүп алынган, «Назаарат Ишаат Садр Анжуман Ахмадия» Пакистан, Рабвах)

(Жөнөткөн: Мухаймин Ахмад – Канада)