Hazret Mirza Masrur Ahmed (aba)

Hazret Mirza Masrur Ahmedi (Hazrat Mirza Masroor Ahmad) është Kalifi i Pestë i Mesihut të Premtuar dhe Udhëheqësi botëror i Xhematit Musliman Ahmedia që është themeluar në 204 vende të botës.

Në përputhje me mësimet e Islamit, ai përkrah respektimin e të gjithë profetëve të Zotit dhe ndriçon rolin e fesë në përhapjen e paqes. Ai është mbrojtës i pasionuar i të drejtave të njeriut dhe paqes botërore. Mbi temat si paqja globale, nevoja e drejtësisë, roli i fesë në vendosjen e paqes, mësimet paqësore të Islamit, dënimi i terrorizmit, etj. ai ka mbajtur fjalime në Parlamentin Britanik, Senatin e Amerikës (Capitol Hill), Parlamentin Evropian dhe në një sërë mbledhjesh të tjera, para një audience me influencë.

Ai gjithashtu shkroi letra liderëve botërorë duke u bërë thirrje që të përdorin sensin e duhur të drejtësisë në marrëdhëniet e tyre kombëtare e ndërkombëtare, të shmangin konflikte rajonale që kërcënojnë të gllabërojnë gjithë botën e të përpiqen maksimalisht për vendosjen e paqes botërore.

Lexoni më shumë

“Ju dënoni terrorizmin pa marrë parasysh se ku ndodh dhe kush merr pjesë në të. Keni folur kundër dhunës dhe pro tolerancës edhe para muslimanëve, duke u tërhequr vëmendjen se edhe rrëzimi i kishave dhe sinagogave është shkelje e të drejtave të njeriut…Ju nisët si mësues dhe tani udhëzoni miliona muslimanë në mbarë botën…Jeni një lider me urtësi dhe mëshirë dhe një kampion i jo-dhunës dhe i respektit ndërfetar”. (Nancy Pelosi, Lidere Demokratike e ShBA-së)

“Shenjtëria e tij është një kampion guximtar i lirisë fetare dhe i paqes”. (Stephen Harper, Kryeministër i Kanadasë)

“Ne skajshmërisht kemi nevojë për lidershipin moral dhe udhëzimin që mund të gjejmë te Shenjtëria e tij”. (Lord Avebury, Avokati i të drejtave ndërkombëtare të njeriut)