Сау-Томеде «Байт-э-Махмуд» мечитинин ачылышы
Сау-Томеде Ахмадия Мусулман Жамаатынын (Байт-э-Махмуд) жетинчи мечитинин ачылышы
Аллах Тааланын өзгөчө берешендиги менен Сау-Томедеги (Борбордук Африка) Ахмадия Мусулман Жамааты Гвадалупе шаарында өзүнүн жетинчи мечитин куруу мүмкүнчүлүгүнө ээ болду. Мечиттин туурасы да 7 метр жана узундугу да 7 метр, анда 60ка жакын адам намаз окуй алышат. Гваделупедеги регионалдык дааватчыбыз урматтуу Камар Рашийд мырза мечитти куруу үчүн көп күч-аракет жумшаган жана учурда мечитте Жамаат мүчөлөрүнө билим берүү жана тарбия берүү үчүн үзгүлтүксүз сабактарды өткөрүп жатат. Аллахым ага эӊ жакшы сыйлык берип, иш-аракеттерине мол береке берсин. Аамийн
Гвадалупе шаары Сау-Томе борборунан 12 км түндүктө жайгашкан. Ахмадия Мусулман Жамааты бул шаарда 2011-жылы Сау-Томедеги Ахмадия Мусулман Жамаатында кызмат кылып жаткан миссионерлердин мурдагы төрагасы жана Улуттук президенти урматтуу Анвар-ул-Хак мырза аркылуу түзүлгөн.
Мечит 2020-жылдын март айында курулуп, 2020-жылдын 30-сентябрында Humanity First Германия уюмунун төрагасы, доктор Мухаммад Атхар Зубайр мырза ачкан ачылган. Корона вирустан улам чогулуштарга тыюу салынгандыктан, ачылышы бир нече айга кечеңдеген. Мечиттин ачылышына жакын жердеги Жамааттарыбыздын мүчөлөрү да чакырылган болчу. Ачылышы эртеӊ мененки саат 10го пландаштырылган эле. Ал үчүн эл таӊ эртеден эле чогула башташкан.
Программа Ыйык Куранды окуу менен башталды. Андан кийин Худдаамдардын бир тобу диний ырларды ырдашкан. Андан кийин, ар кайсы аймактардагы Жамааттарыбыздын президенттери жана башка Жамаат мүчөлөрү өз ойлорун билдиришти.
Триндадедеги Жамаатыбыздын миссионери урматтуу Саййид Хамаад Разаа мырза жана Жамаатыбыздын миссионери урматтуу Камар Рашийд мырза Жамаат мүчөлөрүнө эгер биз Аллахтын үйүн абат (эл менен толтурсак) кылсак, анда Аллах Таала биздин үйлөрүбүздү абат кылат деп мечитке келүүгө насаат сөздөрүн айтышкан. Мен (Сау-Томедеги Ахмадия Мусулман Жамаатынын Улуттук президенти жана миссионерлердин төрагасы) дагы Жамаат мүчөлөрүнө бул жерге мечит курууга мүмкүнчүлүк берген Алла Таалага терең ыраазычылык билдиришибиз керек, ошондой эле биз ар дайым ушул мечитти абат кылууга аракет кылып, Алла Тааланын жана пенделердин акы-укуктарын аткарышыбыз керек деп насаат кылдым.
Аягында, атайын конок, Humanity First Германия уюмунун төрагасы Доктор Мухаммад Атхар Зубайр мырза Ахмадия халифаларынын мечиттерге байланыштуу Жамаат мүчөлөрүнүн милдеттери жөнүндө айрым үзүндүлөрүн окуп берди. Анан дуба кылдырды.
Дубадан кийин Зухр жана Аср намаздары окулуп, бардык катышуучуларга тамак тартылды. Аталган программага 113 адам катышышкан. Алла Таала бардык катышуучулардын ишенимин жана ыйманын өркүндөтө берсин. Аамийн
(Репортажды даярдаган: Ансар Аббас – «Ал-Фазл Интернейшналдын» корреспонденти)
٭…٭…٭